Իրանը պատրաստվում է արտադրել 100-տեղանոց ուղեւորատար ինքնաթիռներ

Իրանը պատրաստվում է թողարկել 100-տեղանոց ուղեւորատար ինքնաթիռների շարք եւ օգտագործել ԻրԱն-140 ինքնաթիռը՝ որպես բեռնատար, հայտնել է Իրանի քաղաքացիական ավիացիայի կազմակերպության ղեկավար Թուրաջ Դեխգանի Զանգանեն, հաղորդում է Mehr-ը:

«Մենք ընդլայնում ենք երկրում ինքնաթիռների արտադրության ծրագիրը, համաձայն որի՝ IrAn-140 ինքնաթիռը կօգտագործվի՝ որպես բեռանատար ինքնաթիռ: Այն կօգտագործվի զորամասերում»,-ասել է Զանգանեն:

«Բացի այդ, մենք աշխատում ենք 100-տեղանոց ուղեւորատար ինքնաթիռի թողարկման ուղղությամբ»,-հավելել է նա:

IrAn-140-ն ու Ան-140-ը տեղական արտադրության են: Այն հավաքվում է Իրանի ավիացիոն արդյունաբերության լիցենզիայով Իսֆախան ընկերության կողմից:

Վերջին տարիներին Իրանը մեծ հաջողություններ է գրանցել քաղաքացիական ավիացիայի ոլորտում՝ ի հեճուկս պատժամիջոցների, որոնք ուղղված են երկրում ժամանակակից արտասահմանյան տեխնոլոգիաների սահմանափակմանը: Իրանն արդեն ներառված է ռազմական ինքնաթիռներ արտադրող առաջատար պետությունների ցանկում, նշում է տեղեկատվական գործակալությունը: