Արթրիտի եւ ասթմայի դեմ դեղամիջոցները կարող են օգտակար լինել կորոնավիրուսի ժամանակ. Նոր հետազոտություն
Տոցիլիզումաբը՝ արթրիտի բուժման համար դեղամիջոցը, կարող է արդյունավետ լինել ստացիոնարում կորոնավիրուսի բուժման համար: Հետազոտությունները ցույց են տվել, որ դեղամիջոցը նվազեցնում է հոսպիտալացված պացիենտների մահացությունը:
Տոցիլիզումաբը վերաբերում է մոնոկլոնալ հակամարմինների խմբին: Անցած տարի փետրվարին չինացի գիտնականները ենթադրեցին, որ դեղամիջոցը կարող է օգնել ճնշել կորոնավիրուսի ժամանակ բորբոքիչ ռեակցիան եւ լավացնել պացիենտների ապրելիությունը:
Ավելի ուշ Դեղամիջոցների իտալական գործակալությունը (AIFA) վաղաժամ դադարեցրեց կորոնավիրուսի բուժման մեջ տոցիլիզումաբի փորձարկումները դրա անարդյունավետության պատճառով:
Սակայն հրապարակվել են ստացիոնար պայմաններում տոցիլիզումաբի հետազոտությունների արդյունքները, որոնք ցույց են տվել, որ տոցիլիզումաբը նվազեցնում է հոսպիտալացված պացիենտների մահացությունը. ուսումնասիրությունների 28 օրում մահացել է 596 մարդ դեղամիջոցի խմբում, եւ 694 մարդ վերահսկիչ խմբում: Բացի այդ, պացիենտները, որոնք արթրիտի դեմ դեղամիջոց են ստացել, քիչ հավանականությամբ են թոքերի արհեստական օդափոխության կարիք ունեցել՝ ի տարբերություն ստանդարտ թերապիայում գտնվող հիվանդների՝ 33 տոկոսն ընդդեմ 38 տոկոսի:
Կորոնավիրուսի բուժման ժամանակ օգտակար կարող են լինել նաեւ կորտիկոստերոիդները, որոնք կիրառվում են ասթմայի բուժման համար: Հավանաբար, դրանք կարող են պաշտպանել կորոնավիրուսից ոչ միայն ասթմատիկներին, այլ նաեւ բոլոր մնացած պացիենտներին:
Հետազոտության շրջանակում, որն անցկացրել են Օքսֆորդի համալսարանի գիտնականները, մասնակցել են կորոնավիրուսով վարակված 146 պացիենտներ: Կամավորների կեսն օրական երկու անգամ 800 մկգ բուդեսոնիդ է կիրառել, որն օգտագործվում է ասթմայի եւ թոքերի քրոնիկ օբստրուկտիվ հիվանդության ժամանակ: Վերահսկիչ խումբը ստացել է ստանդարտ բուժում:
Ուսումնասիրությունների 28 օրվա արդյունքներով անալիզը ցույց է տվել, որ բուդեսոնիդը 90 տոկոսով նվազեցնում է անհետաձգելի օգնության եւ հոսպիտալացման կարիքը: Կամավորների մոտ, որոնք օրական երկու անգամ ինհալյատոր են օգտագործել, զգալիորեն արագ անհետացել են կորոնավիրուսի ախտանիշները՝ ի տարբերություն վերահսկիչ խմբի:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...