Խնձորեսկում` սահմանի մոտ, ադրբեջանցիները հովվի հոտից 173 գլուխ ոչխար են տարել, բանակցություններից հետո վերադարձրել են

Սյունիքի մարզի Խնձորեսկ համայնքում այսօր միջադեպ է գրանցվել հայերի եւ ադրբեջանցիների միջեւ: Խնձորեսկի համայնքապետարանը հայտարարություն է տարածել, որում ասվում է.

«Սույն թվականի փետրվարի 11-ին՝ ժամը 12:00-ի սահմաններում, Խնձորեսկ գյուղի բնակչի՝ թվով 185 գլուխ մանր եղջերավոր անասունների մի մասն, արածելով մոտեցել է թշնամու սահմանին, որտեղից էլ զինված ադրբեջանցիները մոտեցել են հովվին, և հաշված րոպեների ընթացքում, հոտից թողնելով ընդամենը 12 գլուխ ոչխար, հեռացել են: Անմիջապես դեպքի վայր են ժամանել հայ սահմանապահներն ու գյուղացի հովիվները, իսկ մեկ ժամ անց՝ Երվանդ Մալունցը և 1-ին բանակային կորպուսի հրամանատարությունը. բանակցություններից հետո գյուղացուն է վերադարձվել 173-1 գլուխ ոչխար»: