Կանաչ թեյն ու սուրճը կարող են նվազեցնել վաղ մահվան հավանականությունը. հետազոտություն
Սուրճի կանոնավոր գործածումը կարող է նվազեցնել գործնականում բոլոր պատճառներից վաղ մահվան հավանականությունը, իսկ կանաչ թեյը տառացիորեն փրկել կյանքը կաթվածից հետո: Այսպիսի եզրակացության են հանգել Ճապոնիայից գիտնականները, որոնք վերլուծել են սուրճի ու կանաչ թեյի կանոնավոր գործածման ազդեցությունը 46 հազար մեծահասակ մարդկանց կյանքի տեւողության վրա:
Հետազոտությունը ցույց է տվել, որ շաբաթական սուրճի ընդամենը մեկ գավաթը 14 տոկոսով նվազեցնում է ցանկացած հիվանդության հետեւանքով մահվան հավանականությունը, հայտնում է Medportal.ru-ն: Իսկ սրտի նոպա տարած մարդկանց դեպքում սուրճի կանոնավոր գործածումը մահվան հավանականությունը նվազեցնում է 22 տոկոսով:
Իսկ ահա կաթված տարած պացիենտներին ավելի օգտակար է կանաչ թեյ խմել. հետազոտությունը ցույց է տվել, որ օրական 7 եւ ավելի գավաթ կանաչ թեյի գործածումը 62 տոկոսով կանխում է վաղ մահը: Հետաքրքիր է, սակայն, որ այս էֆեկտը չի տարածվում մարդկանց վրա, որոնց մոտ կաթված չի եղել:
Քանի որ սա դիտողական հետազոտություն էր, կյանքի տեւողության վրա տարածված ըմպելիքների այդպիսի ազդեցության պատճառները առայժմ հայտնի չեն: Հեղինակների խոսքով՝ Ճապոնիայում մարդկանց մեծամասնությունը սուրճը եւ կանաչ թեյը խմում է առանց շաքարի եւ կաթի, ինչը կարող է մեծացնել դրանց օգուտը:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Իրանի հանգուցյալ գերագույն առաջնորդի կինը ողջ է
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...