2020 թվականին Հունաստանը երեք անգամ հայտնվել է Թուրքիայի դեմ պատերազմի շեմին. Հունաստանի պաշտպանության նախարար
2020 թվականին Հունաստանը երեք անգամ հայտնվել է Թուրքիայի դեմ պատերազմի շեմին՝ թուրքական «Oruç Reis» հետազոտական նավի հետ կապված ճգնաժամի պատճառով, Proto Thema-ի հետ հարցազրույցում հայտնել է երկրի պաշտպանության նախարար Նիկոս Պանագիոտոպուլոսը:
«Երեք անգամ անցկացվել է զինված ուժերի համընդհանուր մոբիլիզացիա»,- շեշտել է Պանագիոտոպուլոսը՝ խոսելով Թուրքիայի հետ հարաբերություններում լարվածության մասին: Նրա խոսքով՝ «արեւելքից դեռեւս սպառնալիք կա, չի դրված կղզիների ապառամականացման հարց»:
«Առայժմ սպառնալիք կա, իսկ մեր գնահատականներով՝ այն գոյություն է ունեցել եւ ի հայտ է եկել այս ամռանը. ապառազմականացման մասին խոսք լինել չի կարող: Մեր բարձրագույն ինքնիշխան իրավունքն է պաշտպանել մեր ամբողջականությունը»:
Հույն նախարարը նշել է, որ անցյալ ամռանը հունական ջրերում թուրքական Oruç Reis նավի հայտնվելուց հետո երեք անգամ անցկացվել է զինված ուժերի համընդհանուր մոբիլիզացիա: «Ռազմածովային նավատորմը այս մոբիլիզացիայի կենտրոնում էր, որովհետեւ իրավիճակը զարգանում էր Միջերկրական ծովի արեւելյան հատվածում: Բայց ամբողջ Զինված ուժերը պատրաստ էր իրադարձությունների ցանկացած զարգացման՝ բազաներում կործանիչներից մինչեւ սահմանին բանակային զորամասեր: Այդուհանդերձ, մենք տարօրինակ վստահություն ունեինք, որ այս մոբիլիզացիան կարող է մյուս կողմին զսպող ազդանշան փոխանցել:
Այսինքն՝ հակառակորդը չի հասնի մինչեւ ռազմական բախման կետի, քանի որ նրանք գիտեին, որ կբախվեն մեծ ծախսերի: Սա գործնականում հաստատեց զսպման ռազմավարությունը, եւ կարող եմ ասել, որ դրան հասանք Զինված ուժերի համընդհանուր մոբիլիզացիայի հաշվին»,- ասել է Հունաստանի պաշտպանության նախարարը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...