Ազովի ծովում պայթած լցանավը պատկանում է ադրբեջանցի օլիգարխ Մուբարիզ Մանսիմովին
Ազովի ծովում փրկարարական գործողություն է ընթանում օլիգարխ Մուբարիզ Մանսիմովի Palmali ընկերությանը պատկանող «Գեներալ Ազի Ասլանով» լցանավը վրա պայթյունից հետո: Այս մասին РБК-ին հաղորդել են «Ռոսմորեչֆլոտ»-ի մամուլի ծառայությունում:
Դեպքի մասին տեղեկությունը ստացվել է հոկտեմբերի 24-ին, ժամը 18:40-ին՝ երկրորդ լցանավում պայթյուն է տեղի ունեցել: «Նավը շարժվում էր դեպի Դոնի Ռոստով, մինչ այդ անցնելով Կերչի նեղուցով, այն արդեն ելքի մոտ էր, անմիջապես Ազովի ծովում»,- հայտարարել է «Ռոսմորեչֆլոտը»:
Նավի անձնակազմը բաղկացած է 13 մարդուց, նրանցից տասին փրկել է մոտակայքով անցնող «Սիրիուս» շոգենավը: Փրկարարները որոնում են երեք անձանց, ովքեր նավից դուրս են հայտնվել: Միեւնույն ժամանակ, նավի վրա հրդեհ չի բռնկվել, այն մնում է ջրի վրա: Դեպքի վայր են ժամանել փրկարարական երեք՝ «Մերկուրի», «Իմպուլս» եւ «Ալեքսանդր Սիզոնցեւ» նավերը:
Ըստ Vessel Finder ծառայության, որը թույլ է տալիս իրական ժամանակում հետեւել նավի շարժմանը, «Գեներալ Ազի Ասլանով» տանկերը Կերչից ուղեւորվում էր դեպի Դոնի Ռոստով, ուր պետք է ժամաներ հոկտեմբերի 25-ին, ժամը 6:00-ին:
Որպես նավի սեփականատեր նշվում է թուրքական Palmali Shipping Agency ընկերությունը, որը պատկանում է ադրբեջանցի օլիգարխ Մուբարիզ Մանսիմովին: Լցանավը կառուցվել է Թուրքիայում՝ 2005 թվականին, այն նավարկում է Ռուսաստանի դրոշի ներքո: Նավի հիմնական նավահանգիստը Տագանրոգն է:
Բանաձեւը, որի շուրջ Վաշինգտոնում եկանք համաձայնության, առաջարկել ենք նաեւ ՌԴ-ին, բայց չհաջողեց
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
«Զգուշացում Ալիևին». ռուսաստանցի լրագրողները նշել են Ադրբեջան-Ուկրաինա գազային միջանցքի վրա հարվածի ...
Զբոսաշրջիկների ամրագրումները չեղարկած հյուրանոցի դեմ վարույթ է հարուցվել
Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի
Հրապարակվել է Փաշինյանի և Ալիևի միջև ստորագրված հռչակագրի տեքստը
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Նախարարը կաթված է ստացել ուղիղ եթերում (տեսանյութ)