Իրանի ԱԳՆ-ն Իսրայելի եւ ԱՄԷ-ի միջեւ համաձայնագիրը «ռազմավարական հիմարության» օրինակ է անվանել
Իրանի արտգործնախարարությունը խստորեն դատապարտել է Իսրայելի եւ Արաբական Միացյալ Էմիրությունների միջեւ հարաբերությունների կարգավորման վերաբերյալ համաձայնագիրը` այն «ռազմավարական հիմարություն» անվանելով, որը, ի վերջո, միայն կամրապնդի դիմադրության տարածաշրջանային ճակատը, հայտնում է PressTV-ն:
«Անկասկած, համաձայնագիրը կամրապնդի դիմադրության առանցքը տարածաշրջանում»,- նշել են նախարարությունում: «Պատմությունը ցույց կտա, թե ինչպես սիոնիստական ռեժիմի այս ռազմավարական սխալը եւ էմիրությունների կողմից դավաճանության այս գործողությունը պաղեստինցիների դեմ եւ, որպես արդյունք` ամբողջ մահմեդական համայնքի, կհանգեցնեն դիմադրության առանցքի ամրապնդմանը»:
Արտաքին գործերի նախարարությունը հայտարարել է, որ ճնշված պաղեստինյան ժողովուրդը եւ աշխարհի բոլոր` ազատության ձգտող ժողովուրդները երբեք չեն ներելու «օկուպացիոն ռեժիմի հետ հարաբերությունների նորմալացման կամ դրա վայրագությունների հետ հաշտեցման» գործողությունները:
Իրանի արտգործնախարարությունը խորհուրդ է տվել տարածաշրջանի պետություններին, որոնք համակրանք են ցուցաբերում իսրայելական ռեժիմի նկատմամբ եւ խախտում են տարածաշրջանի այնպիսի ժողովուրդների իրավունքները, ինչպիսիք են պաղեստինցիները եւ եմենները, «փոխարենը խելոքանալ եւ իրենց թշնամիներին ընկերներ չհամարել»:
Հայտարարությունն ուժեղ նախազգուշացում է պարունակում «սիոնիստական ռեժիմի ցանկացած միջամտության դեմ Պարսից ծոցի տարածաշրջանի հավասարումներին»:
Հայտարարության մեջ նշվում է, որ Էմիրությունները պետք է ամբողջական պատասխանատվություն ստանձնեն բոլոր այն հետեւանքների համար, որոնք կարող են հետեւել նրաց «խայտառակ» մերձեցմանը «մտացածին եւ անմարդկային օկուպացիոն ռեժիմի» հետ:
Պուտինը նշել է պատերամզը դադարեցնելու իր պայմանը
Իշխանությունները որոշել են ներս չթողնել ամերիկացի փաստաբանին
ԱՄՆ Գաղտնի ծառայությունը անշարժ գույք է վարձակալել Ալյասկայում՝ Պուտինի և Թրամփի հանդիպումից առաջ
Ճամբարափոխին դաս են տվել
Զինծառայող է հանկարծամահ եղել
Սամվել Կարապետյանի ձերբակալումը ճանաչվել է ոչ իրավաչափ
Ինչու է Սոֆի Դևոյանի հարսանիքի կադրերում բացակայում ամուսնու ընտանիքը
Բանաձեւը, որի շուրջ Վաշինգտոնում եկանք համաձայնության, առաջարկել ենք նաեւ ՌԴ-ին, բայց չհաջողեց
Լեւոն Տեր-Պետրոսյանի արձագանքը հայ-ադրբեջանական հռչակագրի վերաբերյալ
Հրապարակվել է Փաշինյանի և Ալիևի միջև ստորագրված հռչակագրի տեքստը