Սաուդյան թագավորական պալատի լրտեսական կրքերը
Սաուդյան Արաբիայի հետախուզության նախկին աշխատակից Սաադ Ալջաբրիի կողմից ԱՄՆ-ի դատարան ներկայացված դատական հայցը բազմաթիվ լուրջ մեղադրանքներ է պարունակում, այդ թվում` այն մասին, որ թագաժառանգը փորձել է սպանել իրեն, եւ նոր թագավորական գաղտնիքները բացահայտելու սպառնալիքներ:
Սաուդյան Արաբիայի թագավորական դատարանին մոտ կանգնած աղբյուրը պնդել է, որ նախկին հետախուզության աշխատակիցն ինքն է բախվել կոռուպցիայի մեջ լուրջ մեղադրանքների, փոխանցում է AFP-ն:
Սակայն գործը, որը հարուցվել էր այն բանից հետո, երբ Էր-Ռիյադն առանց մեղադրանք առաջադրելու ձերբակալել էր Ալջաբրիի երկու չափահաս երեխաներին, սպառնում է հանրային սկանդալ դառնալ:
Սա առաջին դատավարությունն է, որի ժամանակ նախկին բարձրաստիճան պաշտոնյան մարտահրավեր է նետում թագաժառանգ արքայազն Մոհամադ բին Սալմանին, ով կարող է բացահայտել արտասահմանյան մրցակիցներին եւ քննադատներին թակարդի մեջ գցելու քարոզարշավը:
Հայցադիմումում նշվում է, որ վարձու մարդասպանների խումբ էր ուղարկվել Սաադին վերացնելու համար ընդամենը երկու շաբաթ անց այն բանից հետո, երբ նույն խմբի անդամները սպանել էին լրագրող Զամալ Հաշագջին:
Ալջաբրին, ով փախել է Կանադա, հետախուզության նախկին պետն է եւ արքայազն Մոհամադ բին Նայֆի գլխավոր օգնականը, ով գահընկեց էր եղել արքայազն Մոհամադի կողմից 2017-ի պալատական հեղաշրջման արդյունքում:
Հայցադիմումում նշվում է, որ Ալջաբրին WhatsApp-ի միջոցով հաղորդագրություններով էր փոխանակվում արքայազն Մոհամադի հետ, եւ վերջինս փորձում էր համոզել Ալջաբրին վերադառնալ թագավորություն: Համոզելու միջոցները տատանվում են Ալժաբրիին աշխատանքային առաջարկով գայթակղելուց մինչեւ Ինտերպոլի միջոցով նրա արտահանձնմանը հասնելու անհաջող փորձերի եւ մարտին նրա երկու երեխաներին ձերբակալելու միջեւ:
Այնուհետև 2018 թվականի հոկտեմբերին, ինչպես նշվում է դատական հայցում, որ թագաժառանգը մարդասպաններ էր ուղարկել Կանադա` նրան սպանելու համար:
Սաուդյան Արաբիայի բարձրաստիճան պաշտոնյան AFP-ին հայտնել է, որ կառավարությունը պատասխան հայցադիմում է պատրաստում, մինչդեռ Կանադան չի հերքել այն պնդումները, թե այն մարդասպանների սաուդյան ջոկատ է որսացել:
ԿՀՎ նախկին պաշտոնյաները սատարել են Ալջաբրիին` գովաբանելով նրան որպես վաղեմի հակաահաբեկչական գործընկերոջ, ով օգնել է բազմաթիվ հարձակումներ կանխել ԱՄՆ-ի շահերի վրա:
Բայց այս ամենը դեռ կարող է անհանգստացնել Էր-Ռիյադին, քանի որ Ալջաբրին «գաղտնի տեղեկություններ» ունի թագաժառանգի մասին, այդ թվում` ձայնագրություններ, որոնք կհրապարակվեն նրա սպանության դեպքում:
Հայցի մեջ նշվում է, որ 2015-ին արքայազն Մոհամադը Ռուսաստանին գաղտնի կոչ է արել միջամտել սիրիական հակամարտությանը, ինչը զայրացրել է ԿՀՎ-ին:
Սակայն աղբյուրը թագավորական դատարանում մի հայցը «PR քայլ» է համարում` այն «հորինված գործ» անվանելով, որում «ոչ մի ապացույց» չկար: Ըստ նրա` Ալջաբարին չի բացահայտի պետական կարեւոր գաղտնիքները, քանի որ նա ինքը ներգրավված է շատ բաների մեջ, ինրն իրավապաշտպաններին դժվար թե դուր գա: Աղբյուրն Ալջաբրիին մեղադրել է ներքին գործերի նախարարությունում իր պաշտոնավարման ընթացքում միլիարդավոր դոլարների կոռուպցիայի մեջ եւ ասել, որ, հաշվի առնելով նրա կոնտակտները, նա կարող էր թունավորելով սաուդա-ամերիկյան հարաբերությունները »:
Ալջաբրիի դեմ կոռուպցիայի մեղադրանքները սկեպտիկիզմ են առաջացրել ամերիկյան հետախուզական համայնքում: ԿՀՎ նախկին աշխատակիցներից մեկը AFP-ին ասել է. «ԱՄՆ-ում յուրաքանչյուրը, ով գիտի դոկտոր Սաադին եւ Սաուդյան Արաբիան եւ գիտի, թե ինչի է ընդունակ արքայազն Մոհամադը, չի հավատա դրան»: