Կորոնավիրուսի վարակը ներթափանցել է Հայաստան ոչ թե փետրվարին, այլ հունվարին
Այս տարվա հունվարի 9-ին Առողջապահության նախարարության եւ սոցիալական հարցերի տեսչական մարմինը, որն իրականացնում էր հսկողություն սահմանային անցակետերում, թույլ էր տվել ՀՀ 18 քաղաքացու վարակիչ հիվանդության կլինիկական նշաններով հատել սահմանը: Այս մասին, այսօր՝ հուլիսի 3-ին, լրագրողների հետ հանդիպման ժամանակ նշեց անվտանգության ոլորտի փորձագետ Գրիգոր Գրիգորյանը:
«Դրանք ներառում էին բարձր ջերմաստիճան, փսխում, փորացավ, ցան, որոնք ինչպես հետագայում պարզվեց, բոլորը բնորոշ են այս նոր կորոնավիրուսային վարակին: Հունվարի 7-ի դրությամբ ԱՀԿ-ն արդեն հայտարարել էր, որ կա անհայտ վարակ: Դա ենթադրում է, որ բոլոր երկրները, որոնք անդամակցում են ԱՀԿ-ին, պարտավոր են ուժեղացնել հսկողությունը սահմաններին:
Հաջորդը, երբ փետրվարին հայտարարվեց, որ կորոնավիրուսի վարակը հանրային առողջության համար հատուկ նշանակություն ունեցող պատահար է: Դա ենթադրում էր, որ ՀՀ առողջապահական համակարգը պետք է բերվեր բարձր պատրաստվածության՝ հակազելու այն անհայտ հիվանդությանը: Դրան մեր պատասխանատու մարմինները դրսեւորեցին հանցավոր անլրջություն եւ փորձեցին այս հիվանդությունը համեմատել սեզոնային գրիպի հետ:
Հաջորդը, առողջապահության պատասխանատուները գիտությամբ կամ անգիտությամբ, բայց մի շարք հայտարարություններ էին արել, որոնք միտված էին բթացնել մեր գնակչության զգոնությունը: Մասնավորապես, առողջապահության փոխնախարարի մակարդակով հայտարարվեց, որ Հայաստանը գտնվում է կորոնավիրուսի թափանցման տեսակետից ցածր ռիսկային գոտում: Որեւէ լուրջ հիմնավորում չեղավ, արվեց մերկապարանոց հայտարարություն եւ ներկայացվեց որպես փաստ:
Պատասխանատուները հայտարարում էին՝ մեզ չեն անհանգստացնում բերովի դեպքերը, մեզ անհանգստացնում են լոկալ տարածման դեպքերը: Հարց, եթե դեռ երկրում չի գրանցվել կորոնավիրուս, ո՞նց ձեզ չեն կարող անհանգստացնել բերովի դեպքերը»,-ասաց Գրիգորյանը:
Նա հիշեցրեց, որ այս տարվա հունվարին վարակի համաճարակ կար եւ այդ դեպքերի 90 տոկոսի ախտանշանները բնորոշ են կորոնավիրուսի ախտանշաններին. «Դա հիմք է տալիս ենթադրել, որ կորոնավիրուսի վարակը ներթափանցել է Հայաստան ոչ թե փետրվարին, այլ հունվարին. «Մեր առողջապահության պատասխանատուները արդեն միտումնավոր ապատեղեկատվություն էին տարածում, փորձում էին ժողովրդին հանգստացնել՝ ասելով, որ կարանտինը արդյունավետ չէ: Մեր անկախ համաճարակաբանների խորհուրդն անտեսվում էր, որի արդյունքում ենցանք մահացության բավականին լուրջ ցուցանիշ: Դա հնեցրեց նրան, որ ՀՀ առողջապահության նախարարության ղեկավարությունը ստիպված եղավ դիմել օտարերկրյա օգնությանը»:
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Նախարարը կաթված է ստացել ուղիղ եթերում (տեսանյութ)
«Հայանտառն» ու Գագիկ Խաչատրյանի կինը հաշտություն են կնքել, ապօրինի կառուցված ցանկապատը կքանդվի 35 տա...
Բանաձեւը, որի շուրջ Վաշինգտոնում եկանք համաձայնության, առաջարկել ենք նաեւ ՌԴ-ին, բայց չհաջողեց
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
Զբոսաշրջիկների ամրագրումները չեղարկած հյուրանոցի դեմ վարույթ է հարուցվել
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա
Կաշառակերության մեջ մեղադրվող թաղապետը կրկին անցավ աշխատանքի