Կողոպտել են Եվրախորհրդարանը
Օգտվելով այն բանից, որ Եվրախորհրդարանում պատգամավորներ չկան, եւ շենքը հիմնականում դատարկ է, համաեվրոպական խորհրդարան գողեր են մտել եւ կողոպտել։ Այս մասին հայտնում է Politico պարբերականը։ Ըստ հրապարակման, առնվազն 50 անդամների համակարգիչներ, պլանշետներ եւ այլ իրեր գողացել են։
Հայտնի է, որ կորոնավիրուսային համավարակով պայմանավորված, շենքը հիմնականում դատարկ է եղել։ Գերմանացի պատգամավոր Նիկոլ Սոմսրոտը, որի երկու նոութբուքներն են գողացել, տեղի ունեցածն անվանել է մեծ սկանդալ, որը փորձ է արվում ծածկադմփոց անել։ Եվրախորհրդարանի ներկայացուցիչն էլ հայտարարել է, որ կողոպուտը տեղի է ունեցել այս տարվա ապրիլին, որից հետո ուժեղացվել է շենքի անվտանգությունը։