Բրիտանիայի իշխանությունները կսկսեն հետեւել կորոնավիրուսով վարակվածների շփումներին
Այս հինգշաբթի Մեծ Բրիտանիայում կսկսվի իրականացվել կորոնավիրուսի տարածման դեմ պայքարի նոր պետական ծրագիրը: Ինչպես չորեքշաբթի հայտարարել էր Մեծ Բրիտանիայի առողջապահության նախարարության ղեկավար Մեթ Հենկոկը, բրիտանական իշխանությունները թագավորության մեջ կլինեն առաջինը, որոնք կկարողանան բացահայտել այն մարդկանց, ովքեր կարող են վարակված լինել՝ հետեւելով, թե ում հետ են շփվել կորոնավիրուսով վարակվածները, փոխանցում է ՏԱՍՍ-ը:
Test and trace ծրագրի կարեւորագույն տարրերից մեկը բջջային հեռախոսների համար հատուկ հավելվածը պետք է դառնա, սակայն այն դեռ պատրաստ չէ մասայական ներդրման համար եւ միայն փորձարկվում է Լա-Մանշում Ուայթ կղզու վրա: Վարակման հնարավոր շղթաներին հետեւել դեռ հնարավոր կլինի մարդկանց միջոցով, այս աշխատանքին պատրաստ է 25 հազար մարդ, որոնք հավաքվել են վերջին ամսվա ընթացքում: Օրական թեստերի անցկացման թիվը շուտով պետք է հասցվի 200 հազարի:
Նոր կանոնների համաձայն՝ ցանկացած մարդ Մեծ Բրիտանիայում, ում մոտ կորոնավիրուս կհաստատվի, պարտավոր կլինի մանրամասն զեկույց ներկայացնել իշխանություններին այն մասին, թե ում հետ է սերտ շփման մեջ եղել վերջին շաբաթվա ընթացքում: Այս անձանց հեռախոսազանգով կամ SMS-ի միջոցով կտեղեկացվի, որ նրանք պետք է ինքնամեկուսացվեն 14 օրվա ընթացքում եւ կորոնավիրուսի ախտորոշման թեստ պատվիրել ախտանիշների առաջացման դեպքում:
«Այսպիսով մենք կարող ենք համընդհանուր կարանտինը փոխարինել այն անձանց մեկուսացմամբ, ովքեր շփվել են վարակակիրների հետ, եւ անհրաժեշտ միջոցներ ձեռնարկել լոկալ մակարդակում՝ արձագանքելով առանձին բռնկումներին»,- ասել է Հենկոկը ճեպազրույցում: Նախարարը շեշտել է, որ այս պահին կառավարությունը հույսը դնում է թագավորության բնակիչների ազնվության վրա, ովքեր պետք է կատարեն իրենց «քաղաքացիական պարտքը»՝ ենթարկվելով իշխանությունների պահանջներին: Ապագայում խախտողների համար կարող են պատժամիջոցներ կիրառվել, եթե պարզվի, որ մեկուսացման հրահանգ ստացածներից շատերն այն չեն կատարում:
Ինչպես չորեքշաբթի շեշտել է վարչապետ Բորիս Ջոնսոնը, զոհողությունների շնորհիվ, որոնց ստիպված կլինեն գնալ համեմատաբար փոքր թվով բրիտանացիներ, մնացածները կկարողանան սկսել վերադառնալ նորմալ կյանքին:
Բանաձեւը, որի շուրջ Վաշինգտոնում եկանք համաձայնության, առաջարկել ենք նաեւ ՌԴ-ին, բայց չհաջողեց
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
«Զգուշացում Ալիևին». ռուսաստանցի լրագրողները նշել են Ադրբեջան-Ուկրաինա գազային միջանցքի վրա հարվածի ...
Զբոսաշրջիկների ամրագրումները չեղարկած հյուրանոցի դեմ վարույթ է հարուցվել
Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի
Հրապարակվել է Փաշինյանի և Ալիևի միջև ստորագրված հռչակագրի տեքստը
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Նախարարը կաթված է ստացել ուղիղ եթերում (տեսանյութ)