Դիմումը հետ վերցնելու համար եռօրյա ժամկետ է սահմանված, իսկ 3 օրը վաղուց անցել է․ Սմբատ Գոգյան
Հրաժարականի հարց չի քննարկվել, իսկ հովանավորչության վերաբերյալ հարցին պատասխանել է ԿԳՄՍ նախարարը, այն իրավական դաշտում է։ Այս մասին ԱԺ կրթության ու գիտության հանձնաժողովի նախաձեռնած ԲՈԿ-ի նախագահ Սմբատ Գոգյանի հրաժարականի և գրագողության առկա խնդիրների վերաբերյալ փակ քննարկումից հետո հայտարարել է ԿԳՄՍ փոխնախարար Գրիշա Թամրազյանը, հրաժարվելով պատասխանել լրագրողների մյուս հարցերին։
Հիշեցնենք, որ Սմբատ Գոգյանն ասել էր, թե Գ․Թամրազյանը հովանավորում է Տնտեսագիտական համալսարանի ռեկտորի պաշտոնակատարին, որի դոկտորականում ԲՈԿ-ն արտագրության դեպքերի էր հանդիպել։ Դրանից հետո Գոգյանը հրաժարական էր ներկայացրել։
ԲՈԿ նախագահ Սմբատ Գոգյանը հրաժարական է ներկայացրել, որը դեռ չի ընդունվել։ Նաեւ հայտարարություն է հնչեցրել, որոնցից մեկը՝ Տնտեսագիտական համալսարանի ռեկտորի պաշտոնակատարի վերաբերյալ, մեր օրակարգում էր։ Այս մասին հայտարարել է փակ քննարկման նախաձեռնող, հանձնաժողովի նախագահ Մխիթար Հայրապետյանը։
«Թե ԲՈԿ նախագահը, թե ԿԳՄՍ փոխնախարարը բաց ներկայացրին իրենց դիրքորոշումները։ Փակ ձեւաչափը պայմանավորված էր նրանց ազատ արտահայտվելու հնարավորություն տալով։ Հետագայում ավելի բաց ձեւաչափով քննարկումներ կլինեն։ Այս փուլում չեմ կարող կիսվել բովանդակության մասին։ Լրջագույն հարցեր բարձրացվեցին, որոնց տրվեցին պատասխաններ։ Ավելին ասել չեմ կարող», ասել է Մխիթար Հայրապետյանը։
Հնարավո՞ր է համաձայնի չլքել պաշտոնը, քանի որ հրաժարականի դիմումը դեռեւս ընդունված չէ՝ հարցին, ԲՈԿ նախկին նախագահ Սմբատ Գոգյանն ասել է, որ դիմումը հետ վերցնելու համար եռօրյա ժամկետ է սահմանված, իսկ 3 օրը վաղուց անցել է։ Լրագրողների դիտարկմանը, թե այս օրերին նա զորակցության շատ հայտարարություններ է ստացել, Գոգյանը պատասխանել է, որ թեեւ դրանք հաճելի են, բայց իրավական ուժ չունեն։
«Այսպիսի մի խոսք կա՝ ում էլ ձերբակալեն ու բանտ նստեցնեն, նա ի վերջո կհասկանա, թե ինչի համար է պատժվել։ Ոչ ոք իրականում սուրբ չէ։ Ստանձնելով ԲՈԿ նախագահի պաշտոնը ես սահմանեցի էթիկայի բարձր շեմ, եթե ես այդ արժեքը փորձում եմ պաշտպանել, ապա այդ արժեքը պետք է կրեն համակարգում բոլորը։ Քանի որ հեղափոխությունը հենց արժեքային էր», ասել է Ս․Գոգյանը՝ մեկնաբանելով Գ․Թամրազյանի հետ արժեհամակարգային տարբերության մասին իր արտահայտությունը, պարզաբանելով, որ հրաժարական տալով ընտրել է պայքարի այդ եղանակը։
Բանաձեւը, որի շուրջ Վաշինգտոնում եկանք համաձայնության, առաջարկել ենք նաեւ ՌԴ-ին, բայց չհաջողեց
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
«Զգուշացում Ալիևին». ռուսաստանցի լրագրողները նշել են Ադրբեջան-Ուկրաինա գազային միջանցքի վրա հարվածի ...
Զբոսաշրջիկների ամրագրումները չեղարկած հյուրանոցի դեմ վարույթ է հարուցվել
Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի
Թրամփը Փաշինյանին և Ալիևին կընդունի Պուտինին ուղղված վերջնագրի վերջին օրը. Euronews
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
Նախարարը կաթված է ստացել ուղիղ եթերում (տեսանյութ)
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա