Պլասիդո Դոմինգոն ներողություն է խնդրել կանանցից, որոնք նրան ոտնձգությունների մեջ են մեղադրել
Իսպանացի օպերային երգիչ Պլասիդո Դոմինգոն ներողություն է խնդրել կանանցից, որոնք ավելի վաղ նրան մեղադրել էին սեռական ոտնձգությունների մեջ, նրանց պատճառած ցավի համար: Այս մասին հայտնում է Europa Press գործակալությունը՝ վկայակոչելով տենորի հայտարարությունը:
«Հիմա ես հասկանում եմ, որ այդ կանանցից ոմանք կարող էին վախենալ ազնվորեն պարզաբանում կատարել, քանի որ նրանք մտահոգություն ունեին, որ դա կարող է ազդել իրենց կարիերայի վրա»,- նշել է երգիչը: Նա նաեւ հավաստիացրել է, որ պատրաստ է ստանձնել վերջին ամիսներին հնչած մեղադրանքների «ամբողջ պատասխանատվությունը»:
«Չնայած եւ դա իմ մտադրությունը չի եղել, ոչ ոք եւ երբեք իրեն չպետք է այդպես զգա»,- հստակեցրել է Դոմինգոն՝ պարզաբանելով, որ «վերջին ամիսներին ժամանակ է հատկացրել» մեղադրանքներից յուրաքանչյուրի վերլուծությանը: Երգիչն այս կապակցությամբ նշել է, որ հույս ունի ջանքեր ներդնել, որպեսզի «ոչ մեկը ստիպված չլինի անցնել դրա միջով»:
Անցյալ տարվա օգոստոսին ամերիկյան Associated Press գործակալությունը պնդել էր, որ 9 կանայք Դոմինգոյին մեղադրել են սեռական ոտնձգությունների մեջ: Նշված դեպքերն իբր տեղի էին ունեցել 1980-ական թվականների վերջից տարբեր ժամանակներ, այդ թվում՝ ԱՄՆ տարածքում: Մասնավորապես՝ 3 կին հավաստիացրել են, որ Դոմինգոն փորձել է իրենց համբուրել:
AP-ն սեպտեմբերին հայտնել էր, որ տենորին ոտնձգությունների մեջ մեղադրել են եւս 11 կանայք: Նրանց թվում է ամերիկացի երգչուհի Անջելա Թյորներ Ուիլսոնը, որը պնդել է, որ Դոմինգոյի կողմից ոտնձգությունների է ենթարկվել 1999-2000 թվականներին Վաշինգտոնի ազգային օպերայում աշխատելու ժամանակ:
Ինքը՝ 79-ամյա Դոմինգոն սկզբում շեշտում էր, որ «30-ամյա վաղեմության մեղադրանքները չներկայացած անձանց կողմից չափազանց վշտացնող են»: Նրա խոսքով՝ ինքը ինտիմ հարաբերություն է հաստատել միայն փոխադարձ համաձայնությամբ:
Բանաձեւը, որի շուրջ Վաշինգտոնում եկանք համաձայնության, առաջարկել ենք նաեւ ՌԴ-ին, բայց չհաջողեց
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
«Զգուշացում Ալիևին». ռուսաստանցի լրագրողները նշել են Ադրբեջան-Ուկրաինա գազային միջանցքի վրա հարվածի ...
Զբոսաշրջիկների ամրագրումները չեղարկած հյուրանոցի դեմ վարույթ է հարուցվել
Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի
Հրապարակվել է Փաշինյանի և Ալիևի միջև ստորագրված հռչակագրի տեքստը
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Նախարարը կաթված է ստացել ուղիղ եթերում (տեսանյութ)