Դավթաշեն վարչական շրջանի պատվիրակությունը 1 մլն դրամով կմեկնի Ֆրանսիա
Երևանի Դավթաշեն վարչական շրջանի պատվիրակության՝ Ֆրանսիա նախատեսված գործուղման ծախսը կկազմի շուրջ 1 մլն դրամ: Այս մասին Tert.am-ի հարցմանն ի պատասխան հայտնել են Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունից:
Հայտնենք, որ քաղաքապետի որոշմամբ` հաշվի առնելով Ֆրանսիայի Անտոնի քաղաքի քաղաքապետ Ժան-Իվ Սենանի հրավերը՝ Անտոնիի ֆրանս-հայկական ասոցիացիայի կողմից կազմակերպված միջոցառումներին մասնակցելու նպատակով և ղեկավարվելով աշխատանքային օրենսգրքի 209-րդ հոդվածով` Երևանի Դավթաշեն վարչական շրջանի պատվիրակությունը 2019 թվականի նոյեմբերի 28-ից դեկտեմբերի 2-ը Ֆրանսիա կգործուղվի:
Գործուղման հետ կապված բոլոր ծախսերն իրականացվում են Երևան քաղաքի 2019 թվականի բյուջեի միջոցների հաշվին` Դավթաշեն վարչական շրջանի մասով, բացառությամբ գիշերավարձի, որը հոգում է հրավիրող կողմը:
Հարցին, թե ինչ արդյունքներ են ակնկալվում գործուղումից և որքան է տրամադրվելու Երևանի բյուջեից գործուղման համար, քաղաքապետարանից պատասխանել են. «Գործուղումը կկազմակերպվի Ֆրանսիայի Անտոնի քաղաքի և մայրաքաղաքի Դավթաշեն վարչական շրջանի համագործակցության շրջանակում՝ տարբեր ոլորտներում փորձի փոխանակման նպատակով: Նախատեսվում են հանդիպումներ նաև տեղի հայ համայնքի հետ: Նշենք, որ մայրաքաղաքի վարչական շրջաններից յուրաքանչյուրի տարեկան գործուղումների համար նախատեսված է 1 մլն դրամ, որը 2018 թվականին Դավթաշեն վարչական շրջանը չի ծախսել: Ֆրանսիայի Անտոնի քաղաք նախատեսված գործուղման ծախսը կկազմի շուրջ 1 մլն դրամ (530.000 դրամ ավիաչվերթ, գումարած օրապահիկ):
Ի սկզբանե ֆրանսիական կողմը Անտոնի էր հրավիրել հայկական պատվիրակության 4 ներկայացուցչի, սակայն միջոցներ խնայելու նպատակով Անտոնի կգործուղվեն Դավթաշեն վարչական շրջանի ղեկավար Միքայել Թումասյանը և աշխատակազմի առևտրի, սպասարկումների և գովազդի բաժնի առաջատար մասնագետը»:
Սամվել Կարապետյանի ձերբակալումը ճանաչվել է ոչ իրավաչափ
Զինծառայող է հանկարծամահ եղել
Ճամբարափոխին դաս են տվել
Հետախուզությունը մոտ մեկ ամիս տեղեկություններ է փոխանցել ՀՀ իշխանություններին
Մեզ ստիպում են աշխատել ատրճանակի սպառնալիքի տակ. Իջևանի հնդիկ աշխատողներ
Անաիս Սարդարյանը հայտնել է, որ առողջական խնդիրներ ունի
Ինչու է Սոֆի Դևոյանի հարսանիքի կադրերում բացակայում ամուսնու ընտանիքը
Լեւոն Տեր-Պետրոսյանի արձագանքը հայ-ադրբեջանական հռչակագրի վերաբերյալ
ԱՄՆ Գաղտնի ծառայությունը անշարժ գույք է վարձակալել Ալյասկայում՝ Պուտինի և Թրամփի հանդիպումից առաջ
Կարապետյանի առնչությամբ ՀՀ վարչապետի հայտարարությունները լիովին խախտում են ՀՀ Սահմանադրությունը. Ռոբ...