Ստորագրահավաք Երևանում՝ ի աջակցություն Ռոբերտ Քոչարյանի
«Հաղթանակ» շարժումը նոյեմբերի 15-ին ստորագրահավաք անցկացրեց Երևանում, մասնավորապես Նոր Նորքում: Շարժման մասնակիցները ներկայացրեցին ՀՀ երկրորդ նախագահ Ռոբերտ Քոչարյանի շուրջ տեղի ունեցող իրավական խախտումները: Հիշեցնենք, որ շարժումը ստորագրահավաքի գործընթացը սկսել է հոկտեմբերի 26-ին՝ Հաղթանակի զբոսայգուց։ «Հաղթանակ» շարժումն այցելում է մարզեր՝ քաղաքացիներին իրազեկելու այն պրոցեսների մասին, որոնք այսօր տեղի են ունենում Հայաստանում: Նրանք կոչ են անում քաղաքացիներին միանալ շարժմանը:Նախաձեռնության անդամներն արդեն եղել են Կոտայքի մարզի Չարենցավան և Աբովյան, Գեղարքունիքի մարզի Գավառ և Սևան քաղաքներում: