Դեռևս երկու շաբաթ առաջ NEWS.am-ի տեսախցիկը ֆիքսել էր, թե ինչպես են ապամոնտաժում խանութից մնացած փլատակները, իսկ այսօր արդեն տեղեկացանք, որ տարածքում գիոդեզիական և չափագրման աշխատանքներ են իրականացվում:
Տեղեկությունը NEWS.am-ի հետ զրույցում հաստատեց «Դոմուս» ՓԲԸ տնօրեն Մհեր Միրզախանյանը: Վերջինս տեղեկացրեց, որ Երևանի քաղաքապետարանը դեռևս նախորդ ամիս ընկերությանը տրամադրել է ճարտարապետահատակագծային առաջադրանք՝ նոր շինություն կառուցելու նպատակով:
Թեև խանութ-պահեստի ավերակներն արդեն գետնին են հավասարեցված, մինչ օրս հրդեհի պատճառը հայտնի չէ, քանի որ դեպքի կապակցությամբ հարուցված քրեական վարույթի քննությունը չի ավարտվել:
Մասնավորապես NEWS.am-ի գրավոր հարցմանն ի պատասխան ՀՀ քննչական կոմիտեից հայտնել են, որ «Դոմուս» ՓԲԸ-ին պատկանղ խանութ-պահեստում 2024 թվականի հոկտեմբերի 7-ին տեղի ունեցած հրդեհի դեպքի կապակցությամբ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում քննվում է քրեական վարույթ ՝ նախաձեռնված ՀՀ քրեական օրենսգրքի 264-րդ հոդվածի 2-րդ մասի 2-րդ և 6-րդ կետերի հատկանիշներով: Քրեական վարույթի շրջանակներում նշանակվել է դատահրդեհատեխնիկական, դատաշինարարատեխնիկական, դատաապրանքագիտական, դատապայթյունատեխնիկական, դատանյութագիտական և դատաէլեկտրատեխնիկական համալիր փորձաքննություն, որի եզրակացությունը դեռևս չի ստացվել:
«Դեպքի առնչությամբ մարդկային հնարավոր գործոնի, ինչպես նաև պատճառված գույքային վնասի վերաբերյալ տվյալներն առկա կլինեն փորձաքննության ավարտից հետո: Ներկայում քրեական վարույթի նախաքննության շրջանակներում իրականացվում են ՀՀ քրեական դատավարության օրենսգրքով սահմանված համապատասխան ապացուցողական և վարութային այլ գործողություններ»,-ասված է ՔԿ-ի պատասխանում:
Ավելի ուշ քննչական կոմիտեից հետաքրքրվեցինք, թե ո՞ր մարմինն է իրականացրել դեպքի վայրի պահպանությունը, արդյոք վարույթն իրականացնող մարմինը թույլատրե՞լ է քանդման աշխատանքներ իրականացնել դեպքի վայրում: Բանավոր հարցին ի պատասխան, ՔԿ նախագահի մամուլի քարտուղար Կիմա Ավդալյանը պատասխանեց, որ Քննչական կոմիտեին դեպքի վայրում քանդման աշխատանքների հետ կապված որևէ թույլտվություն չի տվել:
«Դեպքի վայրի պահպանությունն իրականացվել է «Դոմուս» ՓԲԸ-ի անվտանգության աշխատակիցների կողմից: Դեպքի վայրում քանդման աշխատանքներ իրականացնելու կապակցությամբ վարույթն իրականացնող մարմնի հետ նախապես որևէ պայմանավորվածություն ձեռք չի բերվել, իսկ փաստացի քանդման աշխատանքներ կատարելու վերաբերյալ՝ այդ թվում բանավոր կերպով, ՔԿ-ին չի տեղեկացվել»:
ՔԿ նախագահի խոսնակը միաժամանակ նշեց, որ թեև համալիր փորձաքննությունն ավարտված չէ, սակայն փորձագետները դեռևս 2025 թվականի մարտին այց ելել են դեպքի վայր՝ այն հետազոտելու նպատակով:
Նշենք, որ գործող իրավակարգավորման համաձայն՝ դեպքի վայրի պահպանությանն ուղղված գործողությունները դադարեցվում են միայն դեպքի վայրի զննություն կատարելու իրավասություն ունեցող պաշտոնատար անձի թույլտվությամբ:
Այսպիսով ՔԿ-ն, դեպքի վայրն ի պահ հանձնելով «Դոմուս»-ի անվտանգության աշխատակիցներին, տարածքի տնօրինման հետագա ճակատագիրը թողել է մասնավոր ընկերության հայեցողությանը:
Գործով քննիչը հավանաբար վստահ է եղել, որ օրինակ՝ վարույթի շրջանակներում կրկնակի փորձաքննություն նշանակելու, դեպքի վայրի լրացուցիչ զննության կարիք այլևս չի լինի, կամ էլ, ամենայն հավանականությամբ դեպքի վայրում հանցագործության բացահայտման համար էական նշանակություն ունեցող հետքերը կամ ապացույցները արդեն իսկ համարվել են ոչ պիտանի:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի