Կրկես` առանց կենդանիների. Ուկրաինան ցանկանում է անցում կատարել այս տարբերակին
Ուկրաինայի մշակույթի, սպորտի և երիտասարդության հարցերի նախարար Վլադիմիր Բորոդյանսկին հայտարարել է, որ մոտ ապագայում երկիրը մտադիր է ունենալ կրկես, որում կբացակայեն կենդանիները: Այս մասին հայտնում է Gazeta.ru-ն:
«Կենդանիների մասնակցությամբ կրկեսն ուղղակի խայտառակություն է: Երկիրն ուզում է դառնալ պետություն, որտեղ կրկեսում կենդանիները կբացակայեն: Ուրախ եմ, որ իմ թիմում կան մարդիկ, ովքեր, անկասկած, կիսում են իմ դիրքորոշումը»,- ասել է նախարարը:
Բորոդյանսկիի տեղակալ Իրինա Պոդոլյաժը նշել է, որ միակ խնդիրն այն է, թե «ինչ անել կենդանիներին»: Նախատեսվում է հաջորդ շաբաթ պետական կրկեսների ղեկավարների հետ քննարկել այս հարցը: