Փաշինյանը զուրկ է պետական մտածելակերպից, կարևոր որոշումներն ընդունում է պահի ազդեցության տակ. Գ. Համբարյան
Հաշվի առնելով պարոն Փաշինյանի ընդհանրապես խառնվածքը և այն հանգամանքը, որ նա հիմնական կարևոր որոշումները ընդունում է պահի ազդեցության տակ, չեմ զարմանում այդ հանգամանքից: Այս մասին Tert.am-ի հետ զրույցում ասաց քաղաքագետ Գագիկ Համբարյանը` անդրադառնալով այն հանգամանքին, որ վարչապետ Նիկոլ Փաշինյանը նախ` սեպտեմբերի 13-ին ստորագրել էր ՀՀ ոստիկանապետ Վալերիյ Օսիպյանին ԱՄՆ՝ ոստիկանապետերի համաժողովի ուղարկելու որոշումը, իսկ հինգ օր անց աշխատանքից ազատել նրան:
Գագիկ Համբարյանը նկատեց, որ Նիկոլ Փաշինյանի և Վալերիյ Օսիպյանի ու ԱԱԾ նախկին տնօրեն Արթուր Վանեցյանի հարաբերություններն այնքան էլ հարթ չեն եղել, ինչի մասին վաղուց էր բարձրաձայնվում. «Նիկոլ Փաշինյանը բազմիցս է ապացուցել, որ ինքը նույնիսկ շատ կարևոր որոշումները կարող է ընդունել պահի ազդեցության տակ և չի բացառվում, որ պարոն Օսիպյանի հրաժարականի որոշումը ընդունվել է հենց պահի ազդեցության տակ»:
Հարցին՝ վարչապետն աշխատանքից ազատելուց հետո Վալերիյ Օսիպյանին խորհրդական նշանակեց, որքանո՞վ է դա տրամաբանական, Գագիկ Համբարյանն արձագանքեց. «Պարոն Օսիպյանի պարագայում ինքը հասկացել է, որ մի փոքր շատ ճոխ է երկու ուժային կառույցների ղեկավարներից ձերբազատվելը: Իմ կարծիքով, սա պարոն Օսիպյանի բերանը փակելու միջոց էր, որպեսզի վերջինս Վանեցյանի նման հայտարարությամբ հանդես չգա: Իմ կարծիքով նա կաշառել էր Օսիպյանին, ով հարուստ անձնավորություն չէ, ինչպես Վանեցյանը, իսկ Վանեցյանի բերանը փակելը դժվար կլիներ»:
Քաղաքագետն ասաց, որ Նիկոլ Փաշինյանը այս պարագայում ընդօրինակում է նախորդ իշխանությունների քայլերը. «Սերժ Սարգսյանն էլ՝ ում ազատում էր պաշտոնից, նրան կա՛մ խորհրդական, կա՛մ օգնական էր նշանակում»:
Գագիկ Համբարյանը նշեց, որ ՀՀ-ի նման երկրում, որն ունի ոչ միայն ներքին, այլև արտաքին խնդիրներ, նորմալ չէ ուժային կառույցների ղեկավարներին այսպես փոփոխելը և ամբողջ հանրապետությունում շոկային իրավիճակ ստեղծելը:
«Պարոն Փաշինյանը զուրկ է պետական մտածելակերպից, նա կոնկրետ մտածում է իր և իր թիմի բարեկեցության և իշխանությունը պահելու մասին և հենց այս կոնտեքստից կարելի է դիտել պարոն Փաշինյանի գործողությունները: Հիմա հայտարարվում է, թե իբր ռեստարտ է անում կոռուպցիայի, անարդարության դեմ պայքարի ծրագիրը. ի՞նչ ռեստարտի մասին է խոսքը, երբ տարիուկես ինքը իշխանության է, սակայն կառավարությունը ոչ մի ոլորտում շոշափելի արդյունքի չի հասել և փորձում է մեղքը բարդել ուժայինների վրա»,-ասաց քաղաքապետը:
Հիշեցնենք, որ օրերս աշխատանքից ազատման դիմում էր ներկայացրել ԱԱԾ պետ Արթուր Վանեցյանը, այնուհետև վարչապետը աշխատանքից ազատել էր ՀՀ ոստիկանապետ Վալերիյ Օսիպյանին և նրան նշանակել խորհրդական:
Հիշեցնենք նաև, որ նրանք այդ պաշտոններին նշանակվել էին իշխանափոխությունից հետո: Վալերիյ Օսիպյանը դրանից առաջ Երևանի փոխոստիկանապետն էր:
Սամվել Կարապետյանի ձերբակալումը ճանաչվել է ոչ իրավաչափ
Զինծառայող է հանկարծամահ եղել
Ճամբարափոխին դաս են տվել
Հետախուզությունը մոտ մեկ ամիս տեղեկություններ է փոխանցել ՀՀ իշխանություններին
Մեզ ստիպում են աշխատել ատրճանակի սպառնալիքի տակ. Իջևանի հնդիկ աշխատողներ
Անաիս Սարդարյանը հայտնել է, որ առողջական խնդիրներ ունի
Ինչու է Սոֆի Դևոյանի հարսանիքի կադրերում բացակայում ամուսնու ընտանիքը
Լեւոն Տեր-Պետրոսյանի արձագանքը հայ-ադրբեջանական հռչակագրի վերաբերյալ
ԱՄՆ Գաղտնի ծառայությունը անշարժ գույք է վարձակալել Ալյասկայում՝ Պուտինի և Թրամփի հանդիպումից առաջ
Կարապետյանի առնչությամբ ՀՀ վարչապետի հայտարարությունները լիովին խախտում են ՀՀ Սահմանադրությունը. Ռոբ...