Գիտնականները զգուշացրել են բանանի մոտալուտ անհետացման մասին
էքսեթերի համալսարանի մասնագետները պատմել են, որ արդեն 30 տարի անց մոլորակի վրա բանանի քանակությունն էապես կնվազի: Ավելին, այսօր տեղի ունեցող կլիմայի փոփոխությունները կարող են նույնիսկ հանգեցնել բանանի անհետացմանը, հաղորդում է Planet-today-ը:
Գիտնականները նման եզրակացության են եկել հետազոտության ընթացքում, որի ժամանակ դիտարկել են գյուղատնտեսության վրա կլիմայի ազդեցությունը: Նման հարցերն արդեն վաղուց բարձրացվում են գիտնականների կողմից: Իսկ ահա նոր հետազոտությունը վերաբերում է կոնկրետ բանանին, քանի որ այն ներառված է միլիոնավոր մարդկանց սննդակարգում:
Գիտնականները նշում են, որ բանանը ոչ միայն արժեքավոր մթերք է, այլ նաեւ մի շարք երկրների համար կարեւոր, եթե ոչ միակ, եկամտի աղբյուրն է: Եվ եթե 1961 թվականից բանանի արտադրությունը միայն աճել է, ապա այժմ իրավիճակը կտրուկ փոխվել է: Եթե գլոբալ տաքացումն այս տեմպերով շարունակվի, ապա արդեն 2050 թվականին բանանը կանհետանա:
Այդ պատճառով այժմ կարեւոր է կանխել կլիմայի փոփոխությունների հնարավոր հետեւանքները՝ այդ մշակաբույսը պահպանելուն ուղղված ծրագրեր մշակելու համար: