Նյու Յորքում ջերմային ալիքին ջրհեղեղներ են հետևել (լուսանկարներ, տեսանյութեր)
ԱՄՆ Նյու Յորք քաղաքում ջերմային ալիքին հետևած ուժեղ փոթորիկը և հորդառատ անձրևները ջրհեղեղի պատճառ են դարձել: Ինչպես գրում է Daily Mail-ը, ջրհեղեղը գրանցվել է քաղաքի Բրուքլին, Քուինս, Սթեյթեն Այլենդ շրջաններում և Նյու Ջերսի նահանգի մի մասում:
Մետրոյի կայարանները ջրով են լցվել, մինչդեռ քաղաքի արվարձաններում և բոլոր 5 շրջաններում էլեկտրաէներգիայի անջատումներ են գրանցվել, ավելի քան 50 000 մարդ առանց հոսանքի է մնացել:
Նշենք, որ անցած կիրակի Նյու Յորքը հոսանքի սպառման առումով ռեկորդ էր սահմանել: Սա կապված է օդի բարձր ջերմաստիճանով պայմանավորված օդորակիչների օգտագործման հետ: