Top-News.am : ԹՈՓ ԼՈՒՐԵՐ

ՀՀ նախագահ Սերժ Սարգսյանը Մաշտոցի պուրակի կրպակների ապամոնտաժման մասին. «Տարո՛ն, Աբովյան փողոցը կրպակներից մաքրելը քո մեծ ձեռքբերումն է: Մեր բոլորի ձեռքբերումն է: Դու ճիշտ ես վարվել նաեւ մարդկանց սեփականության իրավունքի հետ կապված հարցերում: Այո՛, չի կարելի անօրինականությամբ օրինականություն հաստատել: Եվ չի կարելի անօրինական գործողություններով հարմարավետություն ստեղծել: Ամեն ինչ շատ ճիշտ ես արել: Ճիշտ ես վարվել նաեւ այն առումով, որ ժամանակավոր որոշում ես կայացրել: Փաստորեն, 2-3 տարում այստեղից պետք է հանվեր այս ամբողջը, բայց, Տարո՛ն ջան, ինքդ էլ ես տեսնում, որ սա այդքան էլ գեղեցիկ չէ: Նորից եմ կրկնում՝ քաղաքապետարանը շատ արդյունավետ է աշխատել: Ճիշտ որոշում եք կայացրել, բայց, իրոք, գեղեցիկ չէ, եւ լավ կլինի, որ ձեւը գտնես, այս ամենն ապամոնտաժեք: Սա կլինի շատ ճիշտ որոշում: 2-3 տարի այս պատկերը չի կարող մեր «աչքը շոյել», իսկ մենք ասել ենք, որ ամբողջ Երեւանում աչք շոյող կառույցներ պետք է լինեն, կրկնում եմ՝ օրինական ճանապարհով»:

ՌԴ նախագահ Դմիտրի Մեդվեդեւը Սաակաշվիլիի մասին. «Վստահ եմ, որ մեր ժողովուրդը որեւէ հակակրանք չունի Վրաստանի հանդեպ: Ընդհակառակը, Վրաստանը մեզ մոտ երկիր է, վրացի ժողովուրդը մոտ եւ հարազատ է մեզ: Եւ մենք բազմիցս փրկել ենք նրանց, ինչ էլ ասեն որոշ վրացի գործիչներ: Ուստի Սահակաշվիլին դատարկ տեղ է, զրո, նա վաղ թե ուշ կհեռանա քաղաքական պատմությունից, եւ ցանկացած առաջնորդ, ով էլ հայտնվի այնտեղ, մենք պատրաստ ենք հարաբերություններ հաստատել, վերականգնել դիվանագիտական հարաբերությունները»:

Տեսնել բոլոր նյութերը