ԱՀԿ-ն խոստացել է տեղեկացնել հասարակությանը կորոնավիրուսի նոր շտամին բնորոշ բոլոր հետեւանքների մասին

Առողջապահության համաշխարհային կազմակերպությունը հայտարարել է, որ սերտ կապ է պահպանում Մեծ Բրիտանիայի իշխանությունների հետ կորոնավիրուսի նոր շտամը հայտնաբերելու կապակցությամբ, եւ խոստացել է է տեղեկացնել հասարակությանը կորոնավիրուսի նոր շտամին բնորոշ բոլոր հետեւանքների մասին, երբ ավելի շատ տեղեկատվություն հավաքագրի վիրուսի մասին, հաղորդում է ՏԱՍՍ-ը:

«Մենք սերտ կապ ենք պահպանում Մեծ Բրիտանիայի իշխանություններ հետ կորոնավիրուսի նոր տարատեսակի հարցերի շուրջ: Նրանք շարունակում են տեղեկացնել մեզ անալիզների արդյունքների եւ ընթացիկ հետազոտությունների տվյալների մասին: Մենք կտրամադրենք անդամ պետություններին եւ հանրությանը արդիական տեղեկատվություն, երբ տեղեկանանք վիրուսի նոր շտամի բնութագրիչների եւ ցանկացած հետեւանքների մասին»,-ասված է հաղորդագրության մեջ:

Շաբաթ Մեծ Բրիտանիայի առողջապահության նախարար Մեթ Հենքոքը հայտնել էր, որ բրիտանացի գիտնականները հայտնաբերել են կորոնավիրուսի նոր շտամ, որը կարող է կապված լինել Անգլիայի հարավ-արեւելյան մասում COVID-19-ի տարածման հետ: Նրա խոսքով՝ նախնական վերլուծությունը ցույց է տալիս, որ վիրուսի այդ տեսակը տարածվում է հայտնի շտամերից ավելի արագ: Շաբաթ արտահերթ մամուլի ասուլիսի ժամանակ Միացյալ Թագավորության վարչապետ Բորիս Ջոնսոնը հայտարարել է, որ, նախնական տվյալներով, կորոնավիրուսի նոր տարբերակը կարող է լինել 70 տոսոկով ավելի վարակիչ՝ հավելելով, որ բրիտանացի փորձագետները դեռեւս չեն հայտնաբերել ապացույցներ, որ մուտացված վիրուսը կարող է ավելի մահացու ազդեցություն ունենալ: