Խնձորեսկցիները զրկվել են արոտավայրերից, որոնք ազատագրված շրջաններում էին. գյուղացիներն անասուններին կես գնով վաճառում են. (տեսանյութ)
Պատերազմից հետո Խնձորեսկը տարածքային կորուստներ չունի, սակայն անասնապահությամբ զբաղվող գյուղացիները զրկվել են արոտավայրերից: Այս մասին Tert.am-ի հետ զրույցում ասաց Սյունիքի մարզի Խնձորեսկ համայնքի վարչական ղեկավար Երվանդ Մալունցը:
«Հողատարածքները, արոտավայրերը մեր պապական ազատագրված տարածքներն էին, որը գյուղացիները օգտագործել են անասնապահության, հողամշակման համար: Այսօր դրանից զրկվել են: Հիմնականում անասնապահության խնդիրն է: Այս պահին մարդիկ վաճառում են անասուններին կես գնով, քանի որ անասունների կերը չեն կարողանում հայթայթել. նախկինում իրենք ձմեռը տարել են, ազատագրված տարածքներում պահել են, կեր չեն օգտագործել, իսկ հիմա տեղ չկա պահելու: Բավականին քանակ կա անասունների, և՛ մանր, և՛ խոշոր»,- ասաց նա:
Խնձորեսկ համայնքի վարչական ղեկավարի խոսքով՝ հազարավոր հեկտարներ էին օգտագործում գյուղացիները, մինչև 15, 20, 50 կմ Խնձորեսկից ներքև՝ Սանասարի (Կուբաթլու) ուղղությամբ. «Իսկ հիմա չկա այդ ամենը: Խնձորեսկին կից տարածքները բոլորն էլ խնձորեսկցիներն օգտագործել են ու նորմալ կարողացել են գյուղատնտեսությունը զարգացնել»,- ասաց նա:
Երվանդ Մալունցը նշում է, որ տնտեսական լուրջ խնդիրներ արդեն առաջացել են և դեռ առաջանալու են: Հատկապես խնդիրների առաջ է Ներքին Խնձորեսկը, որտեղի վերջին տնից 600 մետր հեռավորության վրա է նոր սահմանը: Ներքին Խնձորեսկն ընդհանրապես արոտավայր չունի:
«Ներքին Խնձորեսկում 36 ընտանիք է ապրում, ու կան արցախցիներ՝ 2-3 ընտանիք էլ ավելացել է: Խուճապ, գյուղը լքելու տրամադրություն չկա, խնձորեսկցին առաջին անգամը չէ, որ նման իրավիճակում է հայտնվել, 90-ականներին նույնն է եղել: Բոլորի տնտեսությունը, տուն տեղ, երեխա այնտեղ են, ոչ մեկ չի մտածում, դեռ այդ բանը չկա, որ պետք է գյուղից դուրս գան կամ տեղափոխվեն, նման խոսակցություններ չկան: Բայց մարդիկ ակնկալում են, որ Կառավարությունը կաջակցի, նորմալ պայմաններ կստեղծի: Հիմնականում պետք է աշխատատեղեր կամ նոր զբաղմունք ստեղծվի, պետությունը աջակցի, որ երիտասարդները գյուղը չլքեն, սահմանը պահեն»,- ասաց Խնձորեսկի վարչական ղեկավարը:
Երվանդ Մալունցը վստահեցրեց, որ անվտանգության առումով էլ խնդիրներ չկան. ինքնապաշտպանությունը աշխարհազորայինները մինչ երեկ կազմակերպել են: Երեկվանից արդեն կանոնավոր բանակն է սահմանների անվտանգությունն ապահովում:
Մանրամասները՝ տեսանյութում:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա