Լավրովը պարզաբանել է՝ ինչու ԼՂ հարցով Իրանի ծրագրին ուշադրություն չհատկացրեցին
ԼՂ հակամարտության կարգավորման ձեւաչափ պետք է ընտրեին Հայաստանն ու Ադրբեջանը, հենց դրանով է պայմանավորված հայտարարության մասնակիցների կազմը եւ այն, թե ինչու ԼՂ հարցով Իրանի ծրագրին ուշադրություն չհատկացրեցին: Այս մասին հայտարարել է ՌԴ արտաքին գործերի նախարար Սերգեյ Լավրովը, հաղորդում է «ՌԻԱ Նովոստի»-ն:
«Այժմ պետք չէ մտածել այն մասին, թե ով եւ երբ հասցրեց կամ չհասցրեց օգնել կարգավորմանը: Ընդգծեմ եւս մեկ անգամ՝ ձեւաչափը պետք է ընտրեին Ադրբեջանն ու Հայաստանը: Հենց դրանով է պայմանավորված հայտարարության մասնակիցների կազմը: Եվ ոչ մի փորձ չի եղել դա անել Իրանի կամ Թուրքիայի հաշվին: Այժմ կարեւոր է մտածել, թե ինչպես ավարտին հասցնել բոլոր պայմանավորվածությունները եւ առճակատման տարածաշրջանը դարձնել համագոյակցության, իսկ ավելի լավ կլինի՝ բարիդրացիության եւ համագործակցության տարածաշրջան»,-ասել է նախարարը Իրանի պետական հեռուստառադիոընկերությանը տված հարցազրույցում՝ պատասխանելով հարցին, թե ինչու Իրանի խաղաղ ծրագրին ուշադրություն չհատկացրեցին:
«Լեռնային Ղարաբաղի դեպքում մենք առաջնորդվել ենք արյունահեղությանը վերջ դնելու ձգտմամբ: Հակամարտության կողմերը՝ Հայաստանը եւ Ադրբեջանը, հետաքրքրություն են հայտնել դա անել Ռուսաստանի Դաշնության միջնորդությամբ: Այստեղ «հետին» միտք չկա: Ի դեպ, ես չեմ հիշում, որ արտաքին գործերի նախարարի պաշտոնում իմ գտնվելու տարիների ընթացքում իրանցի իմ գործընկերների հետ շփումների ժամանակ հետաքրքրություն առաջանա Ղարաբաղի թեմայի հանդեպ եւ անդրադարձ կատարվի մեր խորհրդակցությունների կամ բանակցությունների ժամանակ»,-հավելել է Լավրովը:
Նա նշել է, որ Իրանի մտահոգությունը հասկանալի է, քանի որ Ադրբեջանի եւ Հայաստանի միջեւ հարաբերությունների կարգավորումը կանդրադառնա Իրանի տարանցիկ շահերի վրա:
«Հակամարտության վերջնաարդյունք պետք է լինի ամբողջ տարաշաշրջանում հարաբերությունների կարգավորումը: Նոյեմբերի 9-ին Հայաստանի, Ադրբեջանի եւ Ռուսաստանի առաջնորդների կողմից ստորագրված համատեղ հայտարարության մեջ հստակ արձանագրված են մագիստրալ ուղղությունները, որոնք կային նաեւ հակամարտության թեժ փուլում առաջացած իրանական նախաձեռնության մեջ»,-հստակեցրել է ՌԴ ԱԳՆ ղեկավարը:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Տավուշում ոչ մի գազատար չի կառուցվել, նման գործընթաց չկա. մարզպետ
Իրանում պատերազմը Հնդկաստանին կանգնեցրել է գազային ճգնաժամի առաջ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Հայ-վրացական գազատարը Հայաստանի խնդրանքով կտեղափոխվի
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...