«Հրապարակավ դատապարտեք դավաճանի որոշումը». ՍԴ աշխատակազմի նախկին ղեկավարը դիմել է ՀՀ բոլոր դիվանագետներին
ՍԴ աշխատակազմի նախկին ղեկավար Էդգար Ղազարյանը դիմել է ՀՀ բոլոր դիվանագետներին:
Դիմումում ասվում է.
«Հարգելի գործընկերներ
Ես շատ լավ հասկանում եմ առաքելության մեջ գտնվելու ընթացքում Ձեր քաղաքական զսպվածություն ցուցաբերելու օրենսդրական պահանջը, բայց նաեւ հասկանում եմ, որ առանձին հարցերի վերաբերյալ լռությունն ու անտարբերությունը մասնագիտական անգործություն է։
«Հանրային ծառայության մասին» ՀՀ օրենքով դեսպանի պաշտոնը դասակարգված է իբրեւ պետական հայեցողական պաշտոն, ուստի այդ պաշտոնը զբաղեցնող յուրաքանչյուր ոք, մասնագիտական ծառայությունից իրականացնելուց զատ, ունի սեփական մոտեցումներն արտահայտելու իրավունք եւ նաեւ պարտավորություն։ ՀՀ ԱԳՆ կայքում ամրագրված է, որ Արտաքին քաղաքականության հիմնական խնդիրներից է «Արցախի ժողովրդի ինքնորոշման հիման վրա ղարաբաղյան հիմնախնդրի խաղաղ եւ արդարացի լուծումը»՝ ամրագրելով դրա սկզբունքները:
Մեկ ամիս է արդեն, որ Հայաստանի վարչապետի պաշտոնում հայտնված անձը, խախտելով արտաքին քաղաքականության հիմնական գերակայություն հանդիսացող խնդրի լուծման Հայկական կողմի համար ընդունելի բոլոր սկզբունքները, ստորագրել է մի պարվողական փաստաթուղթ, որը հետեւանք էր արտաքին քաղաքականության ոլորտում նրա կողմից իրականացված անհեռատես եւ անմիտ գործողությունների պատճառով հրահրված պատերազմի։
Պարզվում է, որ ստորագրված պարտվողական փաստաթղթի գոյության մասին տեղյակ չի եղել անգամ ՀՀ արտաքին գործերի նախարարը, հետեւաբար ողջ դիվանագիտական կազմը։ Դա պատճառ է հանդիսացել ՀՀ արտաքին գործերի նախարարի, նրա տեղակալի մի շարք դիվանագետների հրաժարականի համար։
Եթե ձեր շարքերում դեռեւս կան մարդիկ, ովքեր պատրաստ են ներկայացնել այդ դավաճանական փաստաթուղթը ստորագրած, միանձնյա որոշումներ կայացրած մարդուն եւ նրա ղեկավարած կառավարությունը, կնշանակի, որ դուք դուրս եք գալիս ծառայողական, հայրենանվեր աշխատանքի տիրույթից եւ ակամայից դառնում եք այդ դավաճանական ուժի մի մասը, անկախ ձեր նախկին պրոֆեսիոնալ գործունեությունից, դուք վերածվում եք գործող դիվանագետի համար անընդունելի քաղաքական գործիչների։
Այս վիճակում ձեր պատիվն ու արժանապատվությունը, մասնագիտական հեղինակությունը փրկելու մեկ տարբերակ կարող է լինել․ հրապարակային հայտարարություններով դատապարտել վարչապետի պաշտոնում հայտնված դավաճանի որոշումը, հրաժարվել նրան եւ իր հանցավոր կառավարությունը ներկայացնելու առաքելությունից եւ նրա ազգադավ հանձնարարությունները կատարելուց։ Այդ պարագայում դուք պետք է շարունակեք մնալ ձեր դիրքում՝ սպասելով նոր կառավարության ձեւավորմանը եւ ձեր առաքելության հետագա իրականացմանը։
Լուսանկարում ՀՀ արտաքին գործերի նախարար Էդվարդ Նալբանդյանի կողմից հրավիրված Եվրոպական երկրներում եւ Եվրոպայում գործող միջազգային կազմակերպություններում ՀՀ դեսպանների եւ պաշտոնական ներկայացուցիչների ամենամյա խորհրդակցություն՝ ՀՀ ԱԳՆ ղեկավար կազմի մասնակցությամբ։ Վիենա, 09, դեկտեմբերի 2017թ․
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...
Մոսկվայի բոլոր օդանավակայանները կրկին դադարեցրել են աշխատանքը