Փաշինյանը ծանր է տարել ՏԻՄ-երի հայտարարությունը. նա հանձնարարել է հասկանալ, թե «քամին որ կողմից է փչում»

«Փաստ» թերթը գրում է. «Փաստ» թերթի տեղեկություններով, Նիկոլ Փաշինյանը բավականին ծանր է տարել համայնքների կողմից հնչող հրաժարականի կոչերը։ Մեր աղբյուրի փոխանցմամբ, նա հանձնարարել է մարզպետներին առանձին հանդիպումներ ունենալ համայնքապետների հետ և հասկանալ, թե «որտեղից է փչում քամին»։

Տեղեկությունների համաձայն, ամենաբարդ իրավիճակը Սյունիքում է, որտեղ բոլոր համայնքների (մեկ բացառությամբ) ղեկավարներն ու ավագանու անդամները հանդես են եկել հրաժարականի կոչով, իսկ մարզում փաստացի չկա մարզպետ, ավելին՝ մեր ունեցած տեղեկության համաձայն, Փաշինյանը չի կարողանում մարզպետ նշանակել, քանի որ համաձայնող չկա։ Ի դեպ, այս կոնտեքստում ուշագրավ է, որ նախօրեին ԱԱԾ-ն հաղորդագրություն էր տարածել, թե իբր ՏԻՄ-երի ղեկավարներն իրենց ենթականերին ստիպում են մասնակցել Երևանում ընթացող ցույցերին»:

Մանրամասները՝ թերթի այսօրվա համարում