Մի օր կհանդիպենք , կնայենք իրար աչքերի մեջ ու քեզ կասեմ այն ամենը, ինչ մտածում եմ
Հարություն Հարությունյանը գրում է.
Տհաճ է, նողկալի, երբ հայտնի լրատվամիջոց ես, տարիներ շարունակ գործել ես իբր «ազատ խոսքի, մարդու իրավունքների, դեմոկրատիայի» պաշտպան ու հիմա անընդհատ մանիպուլացնում ես ամեն ինչ հանուն մեկ մարդու:
Հրայր Թամրազյան կուզես ընդունիր, կուզես՝ ոչ, արդեն կարևոր չէ, բայց ամեն դեպում ասեմ, չմտածես երկրում բոլորը «խոտակեր են»:
Գիտես, Ռոբերտ Քոչարյանը հարցազրույց էր տվել «5-րդ ալիքին» և երբ մեջբերում եք անում նրա խոսքից, լրագրության կանոն է պատշաճ հղում տալը: Մենք՝ օրինակ, երբեք չենք խորշել պատշաճ հղում տալ «Ազատությանը» և երբեք մեր մտքով չի անցնի նման վերաբերմունք դրսևորել մեր գործնըկերների աշխատանքի նկատմամբ:
Հրայր, սիրուն չի, «ասպետական» չի: Չմտածես թե վիրավորված եմ: Ձեզնի՞ց՝ երբեք: Այդ դուք եք ստեղծել այնպիսի մթնոլորտ, որ քո աշխատակիցները ատում են «5-րդ ալիքը»: Ինչո՞ւ: Դրա պատասխանը շատ լավ գիտես: Շարունակիր նույն սկզբունքով, բայց պատշաճ հղում տալ, պարտավոր եք: Այստեղ աշխատում են լրագրողներ, երիտասարդ լրագրողներ, որ ուսումնառության տարիներին նաև «Ազատություն» են լսել, սովորել, երազել դառնալ լավ լրագրող:
Ես հասկանում եմ, որ դու լրագրության հետ կապ չունես, բայց տարիներ շարունակ լինելով, աշխատելով, շփվելով լուրջ մարդկանց շրջանակի հետ, գոնե պետք է սովորած լինեիր լրագրության պարզ կանոնները: Հիշու՞մ ես մեր զրույցը Դովլաթովի, Էդուարդ Հովհաննիսյանի, Մարտոյի, Ռուզան Խաչատրյանի , Արմեն Դուլյանի մասին: Եթե մոռացել ես, առավոտները շաքարաջուր խմի, օգտակար է: Երկրորդ՝ լուրի և պատրաստած ռեպորտաժի մանիպուլյատիվ կեղտոտ հնարքների մասին, այստեղ չեմ ծավալվի: Մի օր կհանդիպենք , կնայենք իրար աչքերի մեջ ու քեզ կասեմ այն ամենը, ինչ մտածում եմ:
Բայց կրկնում եմ , եթե ուժ չունեք, պատշաճ, առանց որակումների հղում տալ, մի օգտվեք մեր աշխատանքից: Արհամարհեք, շարունակեք զզվել, ինչպես արել եք երկուսուկես տարի՝ ամեն օր:
հ.գ. Ես ամաչում եմ, որ հրապարակային եմ գրում: Կարող էի զանգահարել Ձեր գրասենյակ, խնդրել, պահանջել, բայց այն պահից երբ քո Հրաչը, քո իսկ եթերում ինձ դարձրեց ահաբեկիչ, այդ պահից հասկացա, որ անիմաստ է տեղում, որևէ մեկին բան ասել: Ի դեպ ճշտել ե՞ս այդ օրը ինքը հարբա՞ծ, թե ՞ հերթական անգամ թղթախաղով գումար վարի տալուց հետո էր եթեր մտել :
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Ուկրաինան կարող է ստիպված լինել հաշտվել իր տարածքի մի մասի կորստի հետ