Ոսկին թեթեւակի թանկանում է ԱՄՆ տնտեսության խթանման սպասումներով

Ոսկին թեթեւակի թանկանում է՝ մնալով մեկ ունցիայի դիմաց 1900 դոլարից ցածր մակարդակում, շուկաները շարունակում են հետեւել ԱՄՆ տնտեսության խթանման եւ նախագահական ընտրությունների շուրջ իրավիճակին՝ վկայում են առեւտրի տվյալները, հաղորդում է «Փրայմ»-ը:

Նյու Յորքի Comex բորսայում ոսկու դեկտեմբերյան ֆյուչերսների գինն աճել է 0,11 տոկոսով կամ 2,05 դոլարով եւ կազմել է տրոյական ունցիայի դիմաց 1892,85 դոլար: Արծաթի դեկտեմբերյան ֆյուչերսը թանկացել է 0,5 տոկոսով եւ կազմել մեկ ունցիայի դիմաց 24,015 դոլար:

Ոսկու գինը թեթեւակի փոփոխվում է առավոտյան սակարկությունների ժամանակ, շուկաները շարունակում են հետեւել ԱՄՆ-ից նորություններին, որտեղ նախընտրական քարոզարշավ է ընթանում: ԱՄՆ-ում նախագահական ընտրություններ կանցկացվեն նոյեմբերի 3-ին:

Ընդ որում, շուկաները գնահատում են ԱՄՆ տնտեսության խթանման հարցով հեռանկարները: Ավելի վաղ ԱՄՆ նախագահ Դոնալդ Թրամփը հայտարարել է, որ մինչեւ ընտրությունները դադարեցնում է դեմոկրատների հետ խթանման մասին բանակցությունները աջակցության ծավալի հարցով տարաձայնությունների պատճառով: Շուկաները կանխատեսում են, որ խթանումը կարող է հավանություն ստանա ընտրություններից հետո: