ԵՄ առաջնորդները կքննարկեն Լեռնային Ղարաբաղը, ինչպես նաեւ Թուրքիայի հետ հարաբերությունները
Լեռնային Ղարաբաղում հակամարտության սրումը, Բելառուսի ճգնաժամը եւ Մինսկի դեմ պատժամիջոցները, ինչպես նաեւ ռուս բլոգեր Ալեքսեյ Նավալնու հետ միջադեպը կլինեն Եվրամիության պետությունների եւ կառավարությունների ղեկավարների ուշադրության կենտրոնում, որոնք հինգշաբթի կհավաքվեն Բրյուսելում՝ ԵՄ երկօրյա արտապլանային գագաթաժողովի համար, հաղորդում է ՏԱՍՍ-ը:
Բացի այդ, գագաթաժողովի առաջին օրը միության երկրների ղեկավարները մտադիր են Թուրքիայի հետ քննարկել Միջերկրական ծովում տիրող լարված իրավիճակը եւ այս համատեքստում առկա հարաբերությունները:
Ինչպես նախօրեին Բրյուսելում լրագրողներին հայտնել էր ԵՄ բարձրաստիճան ներկայացուցիչը, գագաթաժողովից հետո պետությունների եւ կառավարությունների ղեկավարները «ռազմական գործողությունների անհապաղ դադարեցման» կոչ կանեն Լեռնային Ղարաբաղի հակամարտության կողմերին: Բացի այդ, ԵՄ ղեկավարները կոչ կանեն երրորդ երկրներին չմիջամտել իրավիճակին:
«Եվրոպական խորհուրդը ռազմավարական քննարկում կանցկացնի Թուրքիայի վերաբերյալ: Ղեկավարները կարտահայտեն իրենց լիակատար համերաշխությունը Կիպրոսին եւ Հունաստանին, միեւնույն ժամանակ նրանք հանդես կգան Թուրքիայի հետ հարաբերությունների բարելավման օգտին: Միեւնույն ժամանակ, ԵՄ-ն դեռ քննարկում է իր շահերը պաշտպանելու բոլոր գործիքները»,- ասել է ԵՄ ներկայացուցիչը: Միեւնույն ժամանակ, նա ուղղակիորեն չի պատասխանել այն հարցին, թե ԵՄ-ն պատժամիջոցներ կկիրառի արդյոք Անկարայի դեմ՝ Կիպրոսի բացառիկ տնտեսական գոտում հորատման անօրինական գործողությունների եւ Կաստելորիզո կղզու մոտակայքում սեյսմիկ հետախուզության պատճառով:
Հոկտեմբերի 1-2-ը Բրյուսելում տեղի կունենա ԵՄ բարձրագույն քաղաքական մարմնի` Եվրոպական խորհրդի հատուկ նիստ, որի օրակարգում, այլ հարցերի հետ միասին, կներառվի Թուրքիայի հետ հարաբերությունները եւ Միջերկրական ծովի արեւելքում իրավիճակը:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Իրանում պատերազմը Հնդկաստանին կանգնեցրել է գազային ճգնաժամի առաջ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Հայ-վրացական գազատարը Հայաստանի խնդրանքով կտեղափոխվի
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...