Իշխանությունը ամբողջովին պետք է հեռանա. դա վերաբերում է ինչպես Կառավարութանը, այնպես էլ ԱԺ-ին. Արա Հակոբյան (տեսանյութ)
Մենք դուրս ենք եկել պաշտպանելու այն բոլոր գործոնները, տարրերը, որոնք հատկորոշում են հայի ինքնությունը: Այս մասին Կառավարության դիմաց «Ազգային օրակարգ» կուսակցության բողոքի ակցիայի ընթացքում լրագրողների հետ զրույցում ասաց «Ազգային օրակարգ» կուսակցության խորհրդի նախագահ Արա Հակոբյանը:
«Կրթության բնագավառում այսօր թիրախավորված են այդ ինքնության հատկանիշները. սա վերաբերում է հայոց լեզվին, հայոց պատմությանը, մեր ազգային դավանանքին, ռազմահայրենասիրությանը, հայ ընտանիքին: Մենք կարծում ենք՝ պետք է համաժողովրդական, համազգային գործողություններ լինեն՝ մեր ինքնությունը պաշտպանելու համար»,-ասաց Հակոբյանը:
Նա ընդգծեց՝ այսօր ԱԺ նիստին, ԿԳՄՍ նախարար Արայիկ Հարությունյանի հրաժարականի հարցով հարցապնդմանը, մեծամասնությունը պաշտպանել է ոչ այնքան Արայիկ Հարությունյանին, որքան այն ռազմավարությունն ու քաղաքականությունը, որ իրականացվում են կրթության ոլորտում:
«Դա նշանակում է, որ իշխանությունը պատասխանատու է ընդհանրական կատարվողի համար: Առանձին անհատի փոփոխությամբ, եթե մոտեցումը ծրագրային է, շատ դժվար է ընդհանրական փոփոխություն անել: Առանձին անհատները կարող են գնալ, բայց խնդրի արմատական լուծումը նշանակում է ամբողջ իշխանության, բոլոր պատասխանատուների հեռացումը. դա վերաբերում է ինչպես Կառավարութանը, այնպես էլ խորհրդարանին»,-ասաց նա:
Հարցին՝ հնարավո՞ր է՝ համախմբում լինի նույն օրակարգն ունեցող այլ ուժերի հետ, Հակոբյանը պատասխանեց. «Մենք մի քանի անգամ հանդես ենք եկել հայտարարությամբ, որ պետք է ազգային ծրագրերի և նպատակների շուրջ համախմբում: Այս փուլում համախմբումը չպետք է լինի որևէ անհատի կամ որևէ քաղաքական ուժի շուրջ, այլ պետք է լինի ծրագրային: Կարծում ենք՝ դա հնարավոր է, և այդ ուղղությամբ կան քայլեր»,-նշեց նա:
Ըստ Հակոբյանի՝ փոփոխություն հնարավոր է միայն հանրային ճնշման միջոցով, և իրականացվող բոլոր գործողությունները պետք է միտված լինեն դրան, որ ՀՀ-ում իրավիճակը փոխվի, իրադարձություններն այլ ընթացք ստանան, ՀՀ-ում դադարի իրականացվել ապազգային ու ապապետական ռազմավարությունը և քաղաքականությունը բոլոր ոլորտներում:
«Այժմ խոսում ենք կրթությունից, բայց այնպես չէ, որ մենք չունենք ճգնաժամային իրավիճակ առողջապահական, տնտեսական, սոցիալական ու մյուս բոլոր ոլորտներում: Ճգնաժամին արմատական լուծում է պետք, և իշխանությունը ամբողջովին պետք է հեռանա»,-ասաց նա:
Նա նշեց՝ առաջարկում են հետևյալ լուծումը՝ լինի միջանկյալ փուլ, որի մեջ լինի ազգային համաձայնության իշխանություն.«Վերջինիս նպատակը պետք է լինի մեղմել ճնշումները, ճգնաժամի դրսևորումները և նախապատրաստել արտահերթ ընտրություններ, որոնք ընթանան քաղաքական ծրագրերի և նպատակների շուրջ»,-ասաց Արա Հակոբյանը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին