Պուտինը եւ Լուկաշենկոն չեն քննարկել Բելառուսում ռուսական ռազմաբազաների տեղակայման հարցը
Ռուսաստանի եւ Բելառուսի նախագահներ Վլադիմիր Պուտինը եւ Ալեքսանդր Լուկաշենկոն չեն քննարկել Բելառուսի պետության տարածքում ռուսական ռազմաբազաների տեղակայման հարցը, երկուշաբթի լրագրողներին ասել է ՌԴ առաջնորդի մամուլի քարտուղար Դմիտրի Պեսկովը:
Նա նաեւ հայտարարել է, որ իբր այդպիսի հնարավորության համար Ռուսաստանի կողմից Լուկաշենկոյին սատարելու մասին պնդումները «ոչ մի ընդհանուր բան չունեն իրականության հետ»:
Նրա խոսքով՝ նախագահների շփումը կայացել է դեմ առ դեմ, ղեկավարները քննարկել են երկկողմ կապերը, առեւտրատնտեսական համագործակցությունը: «Նրանք իրականում միասին նստել եւ զրուցել են գրեթե չորս ժամ: Զրույցը դեմ առ դեմ է եղել»,- ասել է Պեսկովը Սոչիում կայացած բանակցություններից հետո, հաղորդում է ՌԻԱ Նովոստին:
Նա հիշեցրել է, որ այս հանդիպմանը նախորդել էին Ռուսաստանի եւ Բելառուսի պատվիրակությունների միջեւ բավականին մանրամասն բանակցություններ՝ Մինսկ էր այցելել. ՌԴ վարչապետ Միխայիլ Միշուստինը, Բելառուսից Մոսկվա էին ժամանել նաեւ տարբեր գերատեսչությունների պատվիրակություններ: «Ուստի նախագահներն, ըստ էության, հիմնեցին իրենց զրույցը երկու կողմերի կատարած բծախնդիր աշխատանքի վրա: Իհարկե, առաջին հերթին քննարկեցին երկկողմ կապերը, առեւտրատնտեսական համագործակցությունը»,- պատմել է Կրեմլի ներկայացուցիչը:
«Առանձին անդրադարձան Բելառուսի մասնակցությանը ռուսական «Սպուտնիկ» պատվաստանյութի փորձարկման երրորդ փուլին: Պուտինի կողմից տրվել են համապատասխան ցուցումներ մատակարարման առաջին խմբաքանակի պատրաստման վերաբերյալ, որը նախատեսված է լինելու Բելառուսի համար»,- ասել է նա լրագրողներին:
Պեսկովը նշել է, որ կողմերը մեծ նշանակություն են տալիս այս ոլորտում համագործակցությանը: «Համաձայնեցվել է 1,5 միլիարդ ԱՄՆ դոլարի նոր վարկ, որը տրամադրվելու է Բելառուսին: Այս վարկի մի մասը կօգտագործվի նախկինում տրամադրված փոխառու միջոցները վերաֆինանսավորելու համար: Իսկ մի մասը, ըստ էության, նոր դրամական միջոցներ են»:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Տավուշում ոչ մի գազատար չի կառուցվել, նման գործընթաց չկա. մարզպետ
Իրանում պատերազմը Հնդկաստանին կանգնեցրել է գազային ճգնաժամի առաջ
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Հայ-վրացական գազատարը Հայաստանի խնդրանքով կտեղափոխվի
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...