Սիբիրում 39 000 տարեկան քարանձավային արջի լավ պահպանված մարմին է հայտնաբերվել (լուսանկարներ)

Ռուս գիտնականները Սիբիրում լավ պահպանված 39 000 տարեկան քարանձավային արջ և արջի ձագ են գտել: Այս մասին տեղեկացնում է Daily Mail պարբերականը:

Մինչ այժմ մոլորակում ապրած 15 000-ից 300 000 տարեկան արջերից հայտնաբերվել էին միայն ոսկորները:

Առանձին պեղումների արդյունքում արված երկու հայտնագործությունները ռուս փորձագետները բնորոշել են որպես «համաշխարհային նշանակության» հայտնագործություններ:

Հսկա արջի մաշկը պահպանվել է տեղի մշտական ցրտի պատճառով:

Ռուս գիտնականները լավատեսորեն են տրամադրված և հուսով են, որ իրենց կհաջողվի ձեռք բերել կենդանու ԴՆԹ-ն: