Իրավապահ մարմիններին պատվեր տված մարդիկ պատասխան են տալու. Փաշինյա՛ն Նիկոլ, դա քեզ մոտ չի ստացվելու. Արաբկիրի նախկին թաղապետ (տեսանյութ)
Հարցաքննության հրավերը վերաբերում է 2005-2007 թվականների ընթացքում իմ պաշտոնավարման ժամանակահատվածում որոշակի փաստաթղթերին, բայց, քանի որ կա վաղեմության ժամկետ, ինձ առաջարկել են նաև քննարկել այդ մասը ու գնալ այս գործընթացի կարճմանը: Այս մասին լրագրողների հետ զրույցում ասաց Արաբկիրի նախկին թաղապետ Հովհաննես Շահինյանը, որը հրավիրվել էր ԱԱԾ քաղաքային վարչություն հարցաքննության:
«Բնականաբար, մերժել եմ գործի կարճման տարբերակը և խնդրել ու պահանջել եմ, որ հարուցվի քրեական գործ, կատարվի քննություն, և մեղավորները պետք է պատասխան տան»,- ասաց Հովհաննես Շահինյանը:
Դիտարկմանը, որ ամիսներ առաջ խուզարկել էին նրա բնակարանը, այնուհետև կրկին հրավիրել հարցաքննության, ի՞նչ կապ կա այս և նախորդ հարցաքննության միջև կամ արդյո՞ք նույն գործի շրջանակում է, Շահինյանը պատասխանեց.
«Ես կարող եմ ասել, որ այս հարցաքննությունն ավելի շատ կապ ունի իմ հասարակական-քաղաքական գործունեության հետ, քանի որ այն, ինչ խոսում ենք մեր թվարկության 2005-2007 թվականներին է վերաբերում, այսինքն՝ 13 տարի առաջվա վաղեմության ժամկետ ունի գործը: Բայց խնդիրն այստեղ այն չէ, որ մենք ուզում ենք օգտվել այդ վաղեմությունից, հակառակը՝ մենք խնդրում ենք ու ցանկանում ենք, որ քննվեն այդ գործերը, և եթե մեղավոր կլինեմ ես կամ մեկ ուրիշը, ապա պետք է պատասխան տան»,- ասաց Շահինյանը:
Հարցին, թե նրա նախկին ենթակաները նույնպես հրավիրվում են հարցաքննության, և իրավապահներն ինչ են կասկածում, Շահինյանը պատասխանեց, որ գործով զբաղվող իրավապահները նախքան այս ընթացակարգերը, եթե ունեն ինֆորմացիա, ապա ճիշտ կլինի, որ փորձագիտական մակարդակով մասնագետների հետ քննարկեն՝ ինչ է նշանակում տեղական ինքնակառավարման մարմին, և ինչ գործառույթներ ունի համայնքի ղեկավարը և ավագանին:
«Թող ներկա իրավապահները հետաքրքրվեն՝ արդյո՞ք մենք այն ժամանակ չունեինք վերադաս և որքանով կարող էինք մսխել համայնքի ունեցվածքը, կամ արդյոք մենք այդ ժամանակահատվածում չունեինք աշխատող իրավապահ մարմիններ, որոնք, բնականաբար, այդ խախտումները տեսնելով՝ մեզ պատասխանատվության կենթարկեին: Այս ամեն ինչը ժամանակի կորուստ է, եթե մենք չենք ուսումնասիրում դիմացինի իրավունքները»,- ասաց Շահինյանը:
Նրա խոսքով՝ շատ անտրամաբանական կլինի, որ որևէ չինովնիկ իր պաշտոնավարման ժամանակահատվածի մասին կարծի, թե բացթողում կամ թերացում չի ունեցել:
«Եթե կա նման մարդ, ապա ես ինձ այդ մարդկանց թվին չեմ դասում, քանի որ ինքը՝ հենց աշխատանքը, ունի առանձնահատոկություն, որ դու կարող ես որոշակի թերացումներ ունենալ: Ինձ համար փաստ է, որ ես հետապնդվում եմ, իմ հասարակական-քաղաքական գործունեության համար, քանի որ 2019 թվականին ՀՔԾ-ում քննություն է եղել «Մարտի 1»-ի հետ կապված իմ դերակատարման մասին, բայց պարզվեց, որ 2008 թվականի փետրվարի 25-ին ես ծանր վիրահատություն եմ տարել, և վերակենդանացման բաժանմունքից նոր էի տեղափոխվել»,- ասաց Շահինյանը:
Նրա խոսքով՝ ներսում իրեն ասել են, որ հարցաքննությունը վերաբերում է միայն իր պաշտոնավարմանը, և քանի որ կա վաղեմություն, կարող են պայմանավորվել ու գնալ գործի կարճման:
«Պատասխան կտան այն մարդիկ, որոնք այս պատվերն իջեցրել են իրավապահ մարմիններին, որպեսզի ինձ ձայնազրկեն կամ մեկուսացնեն: Փաշինյան Նիկոլ, դա քեզ մոտ չի ստացվելու, ա՛յ տղա»,- ասաց Շահինյանը
Մանրամասները՝ տեսանյութում։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին