Շվեյցարիայում շոկոլադի թանգարան կբացվի աշխարհում խոշորագույն շոկոլադե շատրվանով

Աշխարհում ամենահայտնի շոկոլադ արտադրողներից մեկը՝ Lindt ընկերությունը, «Շոկոլադի տուն» կոչվող թանգարան է բացելու, հայտնում է Luxury Launches-ը։

Թանգարանի շենքի կոնցեպցիան մշակել է Christ & Gantenbein-ը։ Թանգարանը գտնվում է Կիլխբերգ քաղաքում։ Այն մի ամբողջ համալիր է, որում տեղակայված կլինեն մուլտիմեդիայի եւ ինտերակտիվ ցուցահանդեսներ, աշխարհում Lindt շոկոլադի ամենախոշոր խանութը, սրճարան եւ շոկոլադի պատրաստման դասընթացներ։

Տորթի վրայի բալը կդառնա վիթխարի շոկոլադե շատրվանը՝ ավելի քան 9 մետր բարձրությամբ։

«Շոկոլադի տունն» այցելուների համար իր դռները կբացի սեպտեմբերի 13-ին։