Վարչապետը սկսում է խորհրդակցությունները նոր ճգնաժամային կաբինետի ձեւավորման շուրջ
Լիբանանի նոր վարչապետ Մուստաֆա Ադեբը Ֆրանսիայի նախագահ Էմանուել Մակրոնի այցի հաջորդ օրը խորհրդակցություններ է սկսել ճգնաժամային նոր կաբինետի ձեւավորման շուրջ: Մակրոնը հայտարարել էր, որ լիբանանցի քաղաքական գործիչները պարտավորվել են հետեւել ճանապարհային քարտեզին, որը սկսվում է երկու շաբաթվա ընթացքում կառավարության ձեւավորումից բարեփոխումների նպատակով, փոխանցում է AP-ն:
Մուստաֆա Ադիբը հաստատվել էր վարչապետի պաշտոնում այս շաբաթվա սկզբին` նախօրեին ավարտված Մակրոնի երկօրյա այցից առաջ: Սա նրա երկրորդ այցն էր վերջին մեկ ամսվա ընթացքում, քանի որ Լիբանանը բախվում է բազմաթիվ ճգնաժամերի եւ մարտահրավերների, այդ թվում` աննախադեպ ֆինանսատնտեսական ճգնաժամը եւ Բեյրութի նավահանգստի ռմբակոծության հետեւանքները:
Ելույթ ունենալով Բեյրութում կայացած երկօրյա հանդիպումների ավարտին` Մակրոնն ասել էր, որ Ֆրանսիան պատրաստ է օգնել Լիբանանին ճգնաժամից դուրս գալու համար, բայց երեք ամսվա ընթացքում բարեփոխումները չիրականացնելը պատժիչ գործողությունների կհանգեցնի, այդ թվում` կենսական նշանակություն ունեցող միջազգային օգնության հետ կանչմանը եւ նույնիսկ պատժամիջոցների կիրառմանը քաղաքական գործիչների դեմ:
«Իրերի սովորական դրվածքին վերադառնալը խենթություն կլիներ»,- այցի ավարտին լրագրողներին ասել էր Մակրոնը:
Ֆրանսիան եւ միջազգային հանրությունը հայտարարել են, որ ֆինանսական օգնություն չեն տրամադրի Լիբանանին, քանի դեռ այն արմատական փոփոխություններ չի իրականացրել համատարած կոռուպցիայի եւ վատ կառավարման դեմ պայքարում:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Տավուշում ոչ մի գազատար չի կառուցվել, նման գործընթաց չկա. մարզպետ
Իրանում պատերազմը Հնդկաստանին կանգնեցրել է գազային ճգնաժամի առաջ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Ազգային ժողովը շարունակում է իր քառօրյա նիստերի աշխատանքը (տեսանյութ)
Հայ-վրացական գազատարը Հայաստանի խնդրանքով կտեղափոխվի
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...