Նախատեսում է կրճատել 7000 աշխատատեղ՝ կորոնավիրուսի համավարակի հետ կապված

Մեծ Բրիտանիայի մանրածախ առեւտրի խոշոր ցանց Marks & Spencer ապրանքանիշը հայտարարել է, որ նախատեսում է կրճատել 7000 աշխատատեղ՝ կապված COVID-19 համավարակի ընթացքում իրացման անկման հետեւանքով կառավարման օպտիմալացման հետ, հայտնում է Associated Press-ը:

Ընկերության տվյալներով՝ աշխատատեղերի կրճատումներ տեղի կունենան առաջիկա երեք ամիսների ընթացքում՝ Մեծ Բրիտանիայի կենտրոնական գրասենյակներում, տարածքային կառավարման կենտրոններում եւ խանութներում: Սա կազմում է ընկերության ընդհանուր աշխատուժի մոտավորապես 9%-ը:

Ընկերությունը նաեւ հայտարարել է եռամսյակում շահույթի 13,2% անկման մասին, ինչը պայմանավորված է հագուստի եւ կենցաղային արտադրանքի վաճառքի 38% անկմամբ: