Թեհրանը կրկին պատրաստակամություն է հայտնել աջակցել Հայաստանին և Ադրբեջանին՝ լարվածության կարգավորման հարցում
Իրանի արտաքին գործերի նախարարության պաշտոնական ներկայացուցիչ Աբաս Մուսավին, հուլիսի 16-ին Արդեբիլ քաղաքում կայացած մամուլի ասուլիսի ժամանակ կրկնել է Իրանի՝ Հայաստանի և Ադրբեջանի միջև սահմանին զինված հակամարտության կարգավորման հարցում միջնորդ հանդես գալու պատրաստակամությունը, գրում է Mehr լրատվական գործակալությունը։
Իրանի արտաքին գործերի նախարարության պաշտոնական ներկայացուցիչ Աբաս Մուսավին կոչ է արել «Հայաստանի և Ադրբեջանի միջև սահմանային լարվածությունը կարգավորել խաղաղ ճանապարհով»՝ նշելով, որ Թեհրանը պատրաստ է Երևանի և Բաքվի միջև հանդես գալ որպես միջնորդ Ղարաբաղյան հակամարտության կարգավորման հարցում:
«Լեռնային Ղարաբաղի հակամարտության հարցում Իրանի Իսլամական Հանրապետության դիրքորոշումը պարզ է։ Իրանն աջակցում է տարածաշրջանում տնտեսական և անվտանգության առավելությունների օգտագործմանը։ Մենք ցանկանում ենք լարվածությունը պահել վերահսկողության տակ, և վստահ ենք, որ լարվածությունը վերահսկելով՝ շարունակվող հակամարտությունները չեն վերածվի պատերազմի»,- ընդգծել է Մուսավին։
Ավելի վաղ հաղորդվել էր, որ Իրանի արտգործնախարար Մոհամմադ Ջավադ Զարիֆը հեռախոսազրույց էր ունեցել իր հայ և ադրբեջանցի պաշտոնակիցներ Զոհրաբ Մնացականյանի և Էլմար Մամեդյարովի հետ՝ քննարկելով սահմանին տիրող լարվածության սրումը։
«Ադրբեջանական և հայկական ուժերի միջև վերջին բախումներից հետո Իրանի ԱԳ նախարարն այսօր Ադրբեջանի և Հայաստանի նախարարների հետ կայացած առանձին հեռախոսազրույցների ընթացքում հայտնել է լարվածությանը վերջ դնելուն աջակցելու Իրանի պատրաստակամության մասին՝ կոչ անելով կողմերին զսպվածություն դրսևորել և խորհուրդ տալով բանակցություններ սկսել հակասությունների խաղաղ կարգավորման համար»,- ասվում է Իրանի ԱԳՆ հայտարարության մեջ:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԵՔՀ 8-րդ գագաթնաժողովի բացման արարողությունը Երևանում. ուղիղ