Առաջին անգամ Ռուսաստանից ոսկու արտահանումը գերազանցել է խողովակաշարային գազի արտահանման ցուցանիշը
2020 թվականի երկրորդ եռամսյակում Ռուսաստանից ոսկու արտահանումը գերազանցել է խողովակաշարային գազի արտահանման ցուցանիշը: Այս մասին տեղեկացնում է rbc.ru կայքը` հղում տալով ՌԴ Մաքսային դաշնային ծառայությանն ու Ռուսաստանի բանկին:
Ապրիլ և մայիս ամիսներին ռուսական ընկերություններն արտասահմանում վաճառել են 65,4 տոննա ոսկի` ընդհանուր 3,55 միլիարդ դոլարով: Նույն ժամանակահատվածում «Գազպրոմ» ընկերությունը գազատարներով արտահանել է 2,4 միլիարդ դոլարի գազ: Ընդհանուր առմամբ երկրորդ եռամսյակում, ըստ Ռուսաստանի բանկի, ռուսական գազի արտահանումը գնահատվել է 3,5 միլիարդ դոլար, որն ամենացածր եռամսյակային ցուցանիշն է ` սկսած 2002 թվականից:
Ռուսական ոսկու արտահանման կտրուկ աճի վրա ազդել է թանկարժեք մետաղների արտահանման կանոնների փոփոխությունը և ներքին շուկայում դրա գնումը դադարեցնելու մասին Կենտրոնական բանկի որոշումը:
Որպես գազի վաճառքի անկման հիմնական պատճառներ՝ փորձագետները նշում են կորոնավիրուսի համավարակի պատճառով սահմանված սահմանափակումները, ինչպես նաև տաք եղանակն ու Եվրոպայի գազի պահեստարանների լցված լինելը:
Կայուն զարգացման ռիսկերի գնահատման АКРА խմբի ղեկավար Մաքսիմ Խուդալովը հստակեցրել է, որ ոսկու արտահանման գերազանցումը գազի արտահանմանը տեղի է ունենում առաջին անգամ` առնվազն 1994 թվականից: Սակայն, նրա կարծիքով, ընդհանուր առմամբ, ոսկու արտահանումից ստացված շահույթի աճը չի կարողանա փոխհատուցել նավթի և գազի մատակարարումների եկամուտների նվազումը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...