Ադրբեջանի ՊՆ-ն հրապարակել է զինվորների անունները, որոնք զոհվել են Հայաստանի սահմանը խախտելու փորձի հետեւանքով
Ադրբեջանի պաշտպանության նախարարությունը հրապարակել է Հայաստանի պետական սահմանը խախտելու փորձի հետեւանքով զոհված զինծառայողների անունները։
Նրանք ժամկետային զինվորական ծառայության սերժանտ Դասիգով Վուգար Լյաթիֆ օղլին եւ ավագ զինվոր Մամեդով էլշադ Դյոնմեզ օղլին են։ Ավելի ուշ մահացել է նաեւ ծանր վիրավորում ստացած զինվոր Դաշդեմիրով Հայամ Մագոմեդ օղլին, հաղորդում են ադրբեջանական ԶԼՄ-ները՝ հղում անելով Ադրբեջանի պաշտպանության նախարարությանը։
Հայաստանի ՊՆ մամուլի քարտուղար Շուշան Ստեփանյանը հայտնել է ադրբեջանական ԶՈՒ կողմից Տավուշի ուղղությամբ դիրքը գրավելու փորձի մասին՝ հրետանային կրակ բացելու միջոցով։
«Այսօր՝ 12:30-ի շրջանում Ադրբեջանի ԶՈՒ զինծառայողները մեզ համար անհասկանալի պատճառով ՈՒԱԶ ավտոմեքենայով ձեռնարկել են ՀՀ Տավուշի ուղղությամբ պետական սահմանը խախտելու փորձ։ Հայկական կողմից նախազգուշացումից հետո, թողնելով ՈՒԱԶ ավտոմեքենան, հակառակորդի զինծառայողները վերադարձել են իրենց դիրքեր։ 13:45-ին Ադրբեջանի ԶՈՒ ծառայողները, բացելով հրետանային կրակ, փորձել են գրավել մեր հենակետը, սակայն հետ են շպրտվել եւ կրել մարդկային կորուստներ։ Հայկական կողմից կորուստներ չկան»,-գրել է ՀՀ ՊՆ մամուլի քարտուղարը։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է