Վրաստանի սահմանները փակ են բոլոր հարևան երկրների հետ
Վրաստանի նախարարների համակարգող խորհրդի նիստից հետո երկրի ներքին գործերի նախարար Վախթանգ Գոմելաուրին մեկնաբանել է սոցիալական ցանցերում տարածված լուրերն այն մասին, որ Ռուսաստանի հետ Վրաստանի սահմանը բաց է: Այս մասին գրում է kvira.ge կայքը:
«Ես կցանկանայի ուշադրություն հրավիրել սոցիալական ցանցերում և որոշ ԶԼՄ-ներում տարածված այն տեղեկությունների վրա, որոնց համաձայն Վրաստանի սահմանները բաց են, և ուշադրության կենտրոնում գտնվում է Ռուսաստանը: Նշվում է, որ Ռուսաստանի քաղաքացիներ են մուտք գործում երկիր: Ես ցանկանում եմ հավաստի տեղեկություն հաղորդել մեր քաղաքացիներին, բնակիչներին՝ սահմանները փակ են բոլոր ուղղություններով, բոլոր հարևանների՝ այդ թվում Ռուսաստանի հետ: Սահմանները բաց են միայն մեր քաղաքացիների համար, նրանք էլ երկիր ժամանելուն պես երկշաբաթյա կարանտին պետք է անցնեն»,-ասել է Գոմելաուրին:
Ըստ նրա՝ նրանք մեծ մասամբ երկքաղաքացիներ են, որոնք ունեն Վրաստանի քաղաքացիություն, և, իհարկե, Ռուսաստանի քաղաքացիներ, որոնք հանդիսանում են նրանց զավակները կամ ամուսինները:
«Մենք իրավունք չունենք նրանց կանգնեցնելու և հետ վերադարձնելու: Եթե ծնողները երկքաղաքացի են, մենք չենք կարող երեխային այլ երկրում թողնել: Շատ դեպքերում երեխաները չեն հանդիսանում Վրաստանի քաղաքացի, այդ պատճառով էլ սոցիալական ցանցերում տեղեկություն է տարածվում, թե Ռուսաստանի քաղաքացիներ են մուտք գործում երկիր: Ավելացնեմ նաև, որ կորոնավիրուսի բռնկումից հետո Ռուսաստանի շատ քաղաքացիներ չեն ցանկացել վերադառնալ և մնացել են Վրաստանում: Նրանք արդեն մի քանի ամիս է՝ այստեղ են, չեն լքում երկիրը: Նրանց այստեղ գտնվելն օրինական է, քանի դեռ օրենքով սահմանված ժամկետը չի լրացել: Մենք չենք կարող վտարել նրանց երկրից»,-ասել է Գոմելաուրին:
Վրաստանում, վերջին տվյալներով, գրանցվել է կորոնավիրուսով վարակման 928 դեպք, վարակման հետևանքով մահացել է 15 մարդ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...