Սոչիում գեղեցիկ ֆուտբոլ էր

Ֆուտբոլի Կոնֆեդերացիաների գավաթիխաղարկության եզրափակիչում կհանդիպեն Չիլիի եւ գերմանիայի հավաքականները, քանի որ քիչ առաջ հայաշատ Սոչիում Գերմանիան 4:1 հաշվով հաղթեց Մեքսիկայի հավաքականին:

Չնայած խոշոր հաշվին, Գերմանիան այդպիսի մեծ առավելություն չուներ: պարզապես գերմանացիներն իրացրին իրենց հնարավորությունները, իսկ մեքսիկացիների բախտը չէր բերում: Ֆուտբոլում այսպես լինում է, հատկապես եթե դաշտում Չիչարիտոն է, որն աշխարհի ամենաանհաջողակ, բայց տաղանդավոր ֆուտբոլիստներից է:

Գերմանացիների հաղթանակին նպաստեց գորեցկայի 5-րդ եւ 6-րդ րոպեներին խփած գոլերը: Թիմո Վերները 59-րդ րոպեին հաշիվը դարձրեց 3:0: 89-րդ րոպեին գեղեցիկ հարվածով Ֆաբիանը հաշիվը դարձրեց 3:1, բայց հաջորդ գրոհի ժամանակ Ամին Յունեսը հաշիվը դարձրեց 4:1: Հետո մեքսիկացիները կարող էին երկու անգամ գոլի հեղինակ դառնալ, բայց կրկին բախտը նրանց կողքին չէր: Հանդիպման վերջնամասն այնքան հետաքրքիր եւ դիտարժան էր, որ ֆուտբոլասերները դժգոհեցին, երբ մրցավարն ազդարարեց խաղի ավարտը:

Top-News.am