Բաքվում օրը ցերեկով 3-ամյա երեխայի են առևանգել (տեսանյութ)
Ադրբեջանական Minval.az կայքը տեսանյութ է հրապարակել, որի կադրերում երևում է, թե ինչպես են Բաքվի կենտրոնում գտնվող «Կոալա» այգուց, որտեղ ամեն օր տասնյակ երեխաների են բերում զվարճանալու, առևանգում 3-ամյա աղջկա:
3-ամյա Միրայի ծնողները գտնվում են ամուսնալուծության գործընթացի մեջ, սակայն ոչ մի կերպ չեն կարողանում կիսել երեխայի խնամակալության իրավունքը: Հայրը ցանկանում է, որ դուստրն իր հետ ապրի, իսկ արտասահմանցի մայրը (ՌԴ քաղաքացի) հակառակն է պնդում:
Դեպքը տեղի է ունեցել, երբ Միրայը հոր և տատիկի հետ գնացել է այգի զբոսնելու: Հայրը փորձել է խլել երեխային առևանգողների ձեռքից, բայց այդ պահին միջամտել է մի տղամարդ, որն ընտանիքին հետևել է տնից դուրս գալու պահից: Ադրբեջանական աղբյուրի փոխանցմամբ՝ երեխային առևանգել է նրա մորաքույրը: Հայտնի է նաև հանցագործության մասնակից վարձկանի ինքնությունը, որը նախկին ոստիկան է:
«Իմ որդին և թոռնուհի Միրայը կառուսել էին նստել: Հետո մենք մտանք խանութ, որպեսզի երեխային խաղալիք գնենք: Հետո որդիս ու թոռնիկս գնացք նստեցին, ես էլ կանգնած սպասում էի: Հետո մենք գնացինք երեխաների համար նախատեսված գունավոր ավազների մոտ, և այդ պահին մեզ վրա հարձակվեցին: Թամերլանը (որդին) երեխային իր ձեռքը վերցրեց, նրանք հարձակվեցին մեզ վրա և գցեցին գետնին: Հարձակման հետևանքով ինձ համեմատաբար թեթև վնասվածքներ են հասցվել»,-պատմել է աղջկա տատիկը:
Քանի որ ծնողները միասին չեն ապրում, հարկավոր է որոշել, թե ում հետ է ապրելու աղջիկը: Բայց հետաքրքիրն այն է, որ դեպքը տեղի է ունեցել այգում, բոլորի աչքի առաջ: Եվ ոչ ոք չի փորձել միջամտել, խանգարել առևանգողներին: Հարց է առաջանում նաև այն մասին, թե ուր էին այգու անվտանգության աշխատակիցներն ու պատասխանատուները:
Ընտանիքը դեպքի հետ կապված արդեն դիմել է դատախազություն և շրջանային ոստիկանություն:
Ընտանիքի փաստաբանը տեղեկացրել է, որ դեպքի առիթով լուրջ հետաքննություն պետք է անցկացվի, և հարցը պետք է լուծվի իրավական հարթության վրա: Չնայած նրան, որ այսպիսի աղմկոտ դեպքից արդեն մի քանի ամիս է անցել, սակայն դեռևս քրեական գործ չի հարուցվել:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...