Լոս Անջելեսը վերածվել է մարտական գործողությունների գոտու․ CNN (տեսանյութ)

Լոս Անջելեսում CNN-ի թղթակից Քյունգ Լան ներկայացրել է տեսանյութ քաղաքում ստեղծված իրավիճակի մասին։

Նա եթերում է հայտնվել՝ խանութի մոտ կանգնած, որը թալանում էին օրը ցերեկով, իսկ որոշակի հեռավորության վրա կանգնած էր ոստիկանների խումբը։

Լրագրողը, ըստ ամենայնի, գտնվել է հագուստի խանութի մոտ, ինչի մասին վկայում են բացարձակապես դատարկ կախիչները։ Բոլոր ցուցափեղկերը կոտրած էին, կողոպտիչները՝ բավականին հանգիստ եւ առանց տեղախցիկից խուսափելու ներխուժում էին խանութ։

Քիչ հեռու կանգնած էր ոստիկանության խումբը, իսկ փողոցի կենտրոնում այրված էր ինչ-որ հրկիզված առարկա։

Թղթակցի խոսքով՝ Լոս Անջելեսը վերածվել է մարտական գործողությունների գոտու։

Համաձայն Associated Press-ի տվյալների՝ հինգշաբթի ԱՄՆ 16 քաղաքներում ձերբակալվել է ավելի քան 1300 մարդ, որոնցից 500-ը՝ Լոս Անջելեսում։

Նախօրեին հայտնի էր դարձել երկու զոհի մասին անկարգությունների հետեւանքով։ Նրանցից մեկը Անվտանգության դաշնային ծառայության գործակալ էր։

Հիշեցնենք, որ անկարգությունները սկսվել են Մինեապոլիսում ոստիկանի կողմից աֆրոամերիկացի Ջորջ Ֆլոյդի սպանությունից հետո։ Տեսախցիկը գրանցել էր պահը, երբ ոստիկանության այժմ արդեն նախկին սպա Դերեք Չովինը ծնկով խեղդում էր Ֆլոյդին։ Ավելի ուշ Ֆլոյդը մահացել էր հիվանդանոցում։

Այս թեմայով ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Մերձավոր Արևելքում ԱՄՆ մի շարք դեսպանատներ ժամանակավորապես փակվել են ԱՄՆ-ը Էկվադորի հետ համատեղ գործողություն է սկսել ահաբեկչական կազմակերպությունների դեմ The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ