Ռուսաստանը կանի ամեն ինչ, որպեսզի հոկտեմբերից հետո Իրանի համար զենքի մատակարարման սահմանափակումներ չլինեն

Ռուսաստանը կանի ամեն ինչ, որպեսզի հոկտեմբերի 18-ին Իրանի ներկայիս էմբարգոյի լրանալուց հետո զենքի մատակարարման սահմանափակումներ չլինեն: Այս մասին մայիսի 22-ին Ա.Գորչակովի հանրային դիվանագիտության աջակցության հիմնադրամի կողմից ռուս-ամերիկյան հարաբերությունների վերաբերյալ կազմակերպված առցանց քննարկման ժամանակ հայտարարել է ՌԴ փոխարտգործնախարար Սերգեյ Րյաբկովը, հայտնում է ՏԱՍՍ-ը:

«Ես այնպիսի միտք թույլ չեմ տալիս, որ 2020 թվականի հոկտեմբերի 18-ից հետո Իրանի նկատմամբ որեւէ սահմանափակող ռեժիմ կգործի այնտեղ զենքի մատակարարումների առումով՝ ՄԱԿ-ի սովորական սպառազինությունների ռեգիստրի յոթ կատեգորիաներով, եվ, համապատասխանաբար՝ Իրանից զենքի մատակարարումների»,- ասել է նա:

«Ներկայիս թույլտվության կարգն այն խստագույն էմբարգոյի շարունակությունն է, որը գոյություն ուներ մինչեւ 2231 բանաձեւի ընդունումը: Եվ, ինչպես ասվում է բանաձեւում եւ, ինչպես մենք արդեն գիտենք այս հարցի վերաբերյալ բազմաթիվ քննարկումներից, Ռուսաստանը, անշուշտ, կանի ամեն ինչ, որպեսզի հոկտեմբերի 18-ից հետո նման բան գոյություն չունենան»,- ընդգծեց Րյաբկովը:

The New York Times թերթը ապրիլի 26-ին հայտնել էր, որ Միացյալ Նահանգները մտադիր է փորձել հանսել, որպեսզի ՄԱԿ-ի Անվտանգության խորհուրդը ընդունի բանաձեւի նախագիծը, որը զենքի էմբարգոյի պահպանում է նախատեսում Իսլամական հանրապետության նկատմամբ՝ հիմնվելով Համատեղ գործողությունների համապարփակ ծրագրի վրա: Համաձայն այս դրույթների փաստաթղթի, որը ստորագրվել էր 2015-ին ՄԱԿ-ի Անվտանգության Խորհրդի մշտական ​​«հնգյակի» եւ Գերմանիայի կողմից Իրանի հետ, Թեհրանը հոկտեմբերին կկարողանա զենք եւ ռազմական տեխնիկա ձեռք բերել արտասահմանյան մատակարարներից: