Ադրբեջանում զանգվածաբար ազատում են քրեական հանցագործներին՝ «քաղաքականները» շարունակում են նստել

Կորոնավիրուսի համավարակի սկզբից Ադրբեջանի արդարադատության նախարարությանը կից հասարակական հանձնաժողովի դիմումների հիման վրա դատարանները կալանավայրերից վաղաժամկետ ազատ են արձակել 1020 դատապարտյալների: Նրանցից 809-ը ազատ է արձակվել պայմանական-վաղաժամկետ, 211-ը տեղափոխվել է բնակավայրերի գաղութներ: Այս մասին Turan-ին հայտնել է «Հասարակության եւ քաղաքացիական հարաբերությունների զարգացում» ՀԿ նախագահ Ահմեդ Աբասբեյլին:

Նրա խոսքերով՝ դիմումները շատ են, սակայն, վաղաժամկետ ազատման դեպքում հաշվի է առնվում կատարված հանցագործության բնույթը եւ պատժի այն մասը, որ կրվել է:

Սակայն, ըստ Քաղբանտարկյալների մոնիթորինգի կենտրոնի ղեկավար Էլշան Հասանովի, վաղաժամկետ ազատվածների թվում չկան քաղբանտարկյալներ: «Համավարակի շրջանում ազատման հարցում խտրականություն կա: Այս միջոցառումները չեն տարածվում քաղբանտարկյալների վրա: Այսպես, «Սաիդ Դադաշբեյլի» խմբից երեք քաղբանտարկյալների երկու ամսից պակաս է մնացել մինչեւ պատժաժամկետի ավարտը, սակայն նրանց չեն ազատում, չնայած այն հանգամանքին, որ որեւէ խախտում չունեն: Նրանք դիմել են, սական դատարանները մերժել են նրանց:

Խտրականություն է կիրառվում նույնիսկ Ղարաբաղյան պատերազմի վետերանների հանդեպ, որոնք դատապարտվել են ավելի քիչ ծանր հանցագործությունների համար»,- ասել է Հասանովը:

Նրա խոսքերով՝ Նարդարանի իրադարձություններին առնչվող միայն երկու դատապարտյալներ, ում տարիքը 65-ից բարձր է, ազատ են արձակվել:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»