Եվրագոտու տնտեսությունը ռեկորդային անկում է գրանցել
Եվրագոտու տնտեսությունը հունվար-մարտ ամիսներին ռեկորդային պատմական անկում է գրանցել, ինչպես եւ շուկաներն ակնկալում էին՝ մարտ ամսին կորոնավիրուսի համավարակը զսպելու համար ձեռնարկված միջոցառումների պատճառով: Եվրոգոտու ՀՆԱ-ն 2020-ի առաջին եռամսյակում նախորդ եռամսյակի համեմատ նվազել է 3.8 տոկոսով եւ տարեկան 3.2 տոկոսով, վկայում են ուրբաթ օրը հրապարակված Eurostat-ի նախնական գնահատականները:
Reuters-ի կողմից հարցված տնտեսագետները եռամսյակի կտրվածքով ՀՆԱ-ի 38 տոկոս անկում եւ տարեկան 3.3 տոկոս անկում էին ակնկալել: Eurostat-ը հայտնել է, որ եռամսյակային արտահայտմամբ անկումը ամենաբարձրն է դարձել 1995 թվականին ցուցանիշի հաշվարկը սկսելուց ի վեր: Տարեկան կտրվածքով անկումը ռեկորդային էր 2009 թվականի երրորդ եռամսյակից ի վեր, երբ Եվրագոտու ՀՆԱ-ն ընկել էր 4.5 տոկոսով:
Տնտեսական անկման ամենակտրուկ տեմպերը նկատվել են Ֆրանսիայում՝ եռամսյակային կտրվածքով 5.8 տոկոս, Սլովակիայում՝ 5.4 տոկոս եւ Իսպանիայում՝ 5.2 տոկոս: Իտալիայի ՀՆԱ-ն ընկել էր 4.7 տոկոսով, եւ հաշվի առնելով նախորդ եռամսյակի 0.1 տոկոս անկումը, երկիրը պաշտոնապես մտել է անկման փուլ: Եվրամիության ամենախոշոր տնտեսությունը՝ Գերմանիան, ՀՆԱ-ի 2.2 տոկոս անկում է գրանցել: Ֆինլանդիան միակ երկիրն էլ, որին հաջողվել է պահպանել տնտեսական աճը՝ 0.1 տոկոս:


















































Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...