Ռուսաստանը անպայման պետք է հաղթի Մեքսիկային (Տեսանյութ)

Ռուսաստանում շարունակվող ՖԻՖԱ-ի Կոնֆեդերացիաների գավաթի 8-րդ խաղարկությունում երկրորդ տուրի հանդիպումն են անցկացրել A խմբում ընդգրկված Մեքսիկայի եւ Նոր Զելանդիայի հավաքականները: Սոչիում տեղի ունեցած հանդիպման առաջին խաղակեսն ավարտվել է Օվկիանայի չեմպիոնների առավելությամբ, սակայն ընդմիջումից հետո Հյուսիսային եւ Կենտրոնական Ամերիկայի չեմպիոն մեքսիկացիները կարողացել են երկու գոլ խփել եւ տանել կամային հաղթանակ՝ 2:1:

A խմբի առաջատարներն են Մեքսիկան ու Պորտուգալիան, որոնք վաստակել են 4-ական միավոր: Գոլերի տարբերությամբ առաջին տեղում մեքսիկացիներն են:

Ռուսաստանի հավաքականն ունի 3 միավոր, Նոր Զելանդիան երկու պարտություն է կրել:

Հունիսի 24-ին կայանալիք վերջին տուրում Մեքսիկան կմրցի Ռուսաստանի, Պորտուգալիան՝ Նոր Զելանդիայի հետ: Խմբից երկու թիմ դուրս կգա կիսաեզրափակիչ:

Այսպիսով, հաջորդ փուլ դուրս գալու համար դաշտի տերերը պետք է փորձեն հաղթել Մեքսիկայի հավաքականին, ինչը չափազանց դժվար կլինի: Արդար խաղի դեպքում, Ռուսաստանի հաղթանակի շանսերը կարելի է գնահատել նվազագույն:

Կոնֆեդերացիաների Գավաթ

A խումբ, երկրորդ տուր

Մեքսիկա - Նոր Զելանդիա՝ 2:1

Ռաուլ Խիմենես, 54, Օրիբե Պերալտա, 72 - Կրիս Վուդ, 42

Ռուսաստան - Պորտուգալիա՝ 0:1

Կրիշտիանու Ռոնալդու, 8