Հյուսիսկորեական լրատվամիջոցը հրապարակել է Կիմ Չեն Ընի՝ ապրիլի 27-ին գրված նամակն՝ ուղղված ՀԱՀ նախագահին

Հյուսիսկորեական պետական լրատմավիջոցը երկուշաբթի հրապարակել է երկրի ղեկավար Կիմ Չեն Ընի նամակը՝ ուղղված Հարավաֆրիկյան Հանրապետության նախագահ Սիրիլ Ռամաֆոսային, որով վերջինիս շնորհավորում է Անկախության օրվա առթիվ:

Այս մասին հայտնում է CNN-ը՝ նշելով, որ նամակի իսկությունը պարզելու միջոցներ չկան՝ հաշվի առնելով վերջին մեկ շաբաթվա ընթացքում մի շարք երկրների կառավարությունների պաշտոնական ներկայացուցիչների հաղորդումները Կիմ Չեն Ընի առողջական վիճակի մասին:

Նշվում է, որ հյուսիսկորեացի առաջնորդի նամակը թվագրված է 2020թ. ապրիլի 27-ին: Նամակի հրապարակման մասին լուրը հայտնվել է՝ նրա առողջական վիճակի և անգամ մահվան մասին լուրերի ֆոնին: Հոնկոնգյան և ճապանական աղբյուրները նման ենթադրություններ են արել, երբ Կիմ Չեն Ընը բաց է թողել իր պապի ծննդյան արարողությունն ապրիլի 15-ին:

Նշվում է, որ Ռամաֆոսային ուղղված նամակում վերջինս իր վստահությունն է հայտնում, որ երկու երկրների բարեկամությունը հավերժ կշարունակի ընդլայնվել և զարգանալ:

Այս թեմայով «ԿԺԴՀ-ի առաջնորդը կոմայի մեջ է․ երկրի ղեկն իր ձեռքն է վերցրել նրա կրտսեր քույրը»․ նախկին հարավկորեացի պաշտոնյա Կիմ Չեն Ընը ծանր հիվանդ լինելու մասին խոսակցություններից ի վեր առաջին անգամ հանրությանն է ներկայացել (լուսանկարներ, տեսանյութ)