Թուրքիայի մարդու իրավունքների միությունը կոչ է արել ճանաչել Հայոց ցեղասպանությունը եւ փոխհատուցում տալ

Թուրքիայի մարդու իրավունքների միությունը (IHD) Հայոց ցեղասպանության 105–րդ տարելիցին Թուրքիայի իշխանություններին ուղղված կոչով է հանդես եկել։

Կոչի մեջ նշվել է. «Մեր պահանջը նույնն է՝ ճանաչիր, ներողություն խնդրիր եւ փոխհատուցիր։ Ապրիլի 24-ը հայերի, ասորիների եւ հույների դեմ իրականացված ցեղասպանության խորհրդանշական օրն է։ 1915–ի ապրիլի 24–ին Ստամբուլում տներից հանեցին եւ մահվան ուղարկեցին հայտնի հայերին»։