Ինչպես կզորակցեի Վիտալի Բալասանյանին, նույն կերպ զորակցում եմ Արցախի ժողովրդի ընտրությամբ ընտրված որևէ այլ նախագահի». Դավիթ Շահնազարյան

«Պրեսսինգ» հաղորդաշարի հերթական թողարկման ժամանակ 1992-95թթ. ՀՀ նախագահի հատուկ հանձնարարություններով դեսպան, ԱԱԾ նախկին տնօրեն Դավիթ Շահնազարյանն ասաց, որ, թեև ինքը չի զորակցել Արցախի նախագահի թեկնածու Արայիկ Հարությունյանին, այլ իր զորակցությունն է հայտնել է Վիտալի Բալասանյանին, բայց ինչպես ինքը կզորակցեր Վիտալի Բալասանյանին, եթե վերջինս ընտրվեր նախագահ, նույն կերպ կզորակցի Արցախի ժողովրդի ընտրությամբ ընտրված որևէ այլ նախագահի, այդ թվում՝ նաև Արայիկ Հարությունյանին, որովհետև նա ներկայացնելու է Արցախի ժողովրդի կամքը, և ինքը լինելու է ընտրված նախագահ:

«Եթե ընտրվեր Մասիս Մայիլյանը, նույն զորակցությունը կհայտնեի նրան: Այստեղ անձի խնդիր չկա, այստեղ կարևորագույն խնդիրն է, որ Արցախն ունենա լեգիտիմ իշխանություն, ինչը միշտ ունեցել է և հիմա էլ ունի: Եվ ես կրկնում եմ՝ սա դավադրություն է Արցախի պետականության դեմ, ՀՀ ու Արցախի անվտանգության դեմ, երբ փորձ է արվում սևացնել, ստվեր գցել Արցախի իշխանությունների` թե խորհրդարանի, թե նախագահի լեգիտիմության վրա»,- ասաց Դավիթ Շահնազարյանը:

Մանրամասները` 168.am-ի տեսանյութում